(ພາບ:ອິນເຕີແນັດ)
(VOV)- ຕອນບ່າຍວັນທີ 29/10, ທ່ານນາງຮອງປະທານສະພາແຫ່ງຊາດ Tong Thi Phong ໄດ້ໃຫ້ການຕ້ອນຮັບທ່ານນາງ Lotta Sylwander ຫົວໜ້າຜູ້ຕາງໜ້າອົງການ UNICEF ປະຈຳຫວຽດນາມ. ທ່ານນາງຮອງປະທານສະພາແຫ່ງຊາດ Tong Thi Phong ໃຫ້ຮູ້ວ່າ: ປະຈຸບັນ, ບັນດາໂຄງການຮ່ວມມືລະຫວ່າງສະພາແຫ່ງຊາດຫວຽດນາມ ແລະ UNICEF ພວມສືບຕໍ່ໄດ້ຮັບການຜັນຂະຫຍາຍຢ່າງຄົບຊຸດ ແລະ ມີປະສິດທິຜົນ. ທ່ານນາງຮອງປະທານສະພາແຫ່ງຊາດ Tong Thi Phong ຢືນຢັນວ່າ, ຍາມໃດພັກ, ລັດຫວຽດນາມ ກໍ່ຖືກເລື່ອງປົກປ້ອງ, ເບິ່ງແຍງດູແລ ແລະ ປະຕິບັດສິດຂອງເດັກແມ່ນການໃຫ້ບຸລິມະສິດອັນດັບໜຶ່ງໃນບັນດານະໂຍບາຍພັດທະນາ. ໃນນັນສະພາແຫ່ງຊາດຫວຽດນາມ ໄດ້ຮັບຮູ້ຢ່າງຈະແຈ້ງເຖິງບົດບາດ, ຄວາມຮັບຜິດຊອບ ແລະ ໃຫ້ຄຳໝັ້ນສັນຍາຈະສ້າງລະບົບກົດໝາຍປົກປ້ອງສິດຜົນປະໂຫຍດຂອງເດັກໃຫ້ນັບມື້ນັບສົມບູນແບບ. ທ່ານນາງຮອງປະທານສະພາແຫ່ງຊາດ Tong Thi Phong ສະແດງຄວາມປາດຖະໜາວ່າ: ທ່ານນາງ Lotta Sylwander ພ້ອມກັບອົງການ UNICEF ປະຈຳຫວຽດນາມ ຈະສືບຕໍ່ມີການຮ່ວມມືກັນຢ່າງແໜ້ນແຟ້ນກ່ວາອີກກັບສະພາແຫ່ງຊາດຫວຽດນາມ ເພື່ອສ້າງລະບົບກົດໝາຍກ່ຽວຂ້ອງເຖິງການປົກປ້ອງ, ເບິ່ງແຍງດູແລ ແລະ ສຶກສາອົບຮົມເດັກ, ປະຕິດບັດສິດຂອງເດັກຢູ່ທຸກຂັ້ນ.