(vovworld) - ເນື່ອງໃນໂອກາດວັນຄອບຄົວຫວຽດນາມ 28/6, ຕອນບ່າຍວັນທີ 27/6, ຢູ່ສຳນັກງານປະທານປະເທດ ທີ່ຮ່າໂນ້ຍ, ທ່ານນາງຮອງປະທານປະເທດຫວຽດນາມ Nguyen Thi Doan ໄດ້ມີການພົບປະສັງສັນກັບ 20 ຄູ່ຜົວເມຍຄົນພິການທີ່ດີເດັ່ນຂອງ 13 ແຂວງ, ນະຄອນ. ນີ້ແມ່ນບັນດາຄູ່ຜົວເມຍມີຜົນງານຫຼາຍຢ່າງໃນບັນດາຂົງເຂດແຮງງານ, ຮຳ່ຮຽນ, ຜະລິດດຳເນີນທຸລະກິດ, ສຶກສາ, ສາທາລະນະສຸກ, ກິລາ, ວັດທະນະທຳ. ເຖິງວ່າ, ບັນດາຄູ່ຜົວເມຍນີ້ມີຊີວິດການເປັນຢູ່ທີ່ແຕກຕ່າງກັນ, ແລະ ສະພາບພິການກໍແຕກຕ່າງກັນກໍຕາມ, ແຕ່ເຂົາເຈົ້າມີຫຼາຍຈຸດທີ່ຄ້າຍຄືກັນນັ້ນແມ່ນ ໃນສະພາບການປະສົມກັບຄວາມຫຍູ້ງຍາກ, ເຂົາເຈົ້າຍັງເພີ່ມພູນຄຸນສ້າງ, ຮັກສາຄວາມສຸກໃນຄອບຄົວ, ລ້ຽງດູລູກໃຫ້ແຂງແຮງ ແລະ ປະສົມຜົນສຳເລັດໃນການຮຳ່ຮຽນ.
ທີ່ການພົບປະສັງສັນ, ຜູ້ຕາງໜ້າໃຫ້ບັນດາຄູ່ຜົວເມຍຄົນພິການ ໄດ້ເລົ່າຄືນເລື່ອງລາວກ່ຽວກັບຊີວິດທີ່ລຳບາກກາກກຳ, ຫຍຸ້ງຍາກຂອງຕົນເພື່ອມີຊີວິດທີ່ຜາສຸກຄືປະຈຸບັນ.