(vovworld) – ​​ຕອນ​ເຊົ້າ​ວັນ​ທີ 18/11, ຢູ່​ສ​ຳ​ນັກ​ງານ​ປະ​ທານ​ປະ​ເທດ, ທ່ານ​ນາງ​ຮອງ​ປະ​ທານ​ປະ​ເທດ ຫວຽດ​ນາມ ດັ້ງ​ທິ​ງອກ​ທິ້ງ ໄດ້​ຕ້ອນ​ຮັບ​ຄູ​​ອາ​ຈານ ແລະ ພະ​ນັກ​ງານ​ຄຸ້ມ​ຄອງ​ການ​ສຶກ​ສາ​ຜູ້​ດີ​ເດັ່ນ ໃນ​ທົ່ວ​ປະ​ເທດ​ລວມ 153 ຄົນ​ເນື່ອງ​ໃນ​ໂອ​ກາດ​ສະ​ເຫຼີມ​ສະຫຼອງ 34 ປີ​ແຫ່ງວັນ​ຄູ ຫວຽດ​ນາມ (20/11/1982 – 20/11/2016). ທີ່​ການ​ຕ້ອນ​ຮັບ, ທ່ານ​ນາງ​ຮອງ​ປະ​ທານ​ປະ​ເທດ ດັ້ງ​ທິ​ງອກ​ທິ້ງ ໄດ້​ຍ້ອງ​ຍໍ​ຊົມ​ເຊີຍ​ບັນ​ດາ​ຜົນ​ງານ​ດີ​ເດັ່ນ​ຂອງ​ບັນ​ດາ​ອ້າຍ​ຄູ, ເອື້ອຍ​ຄູ​ບັນ​ລຸ​ໄດ້​ໃນ​ໄລ​ຍະ​ຜ່ານ​ມາ, ພ້ອມ​ທັງ​ສ​ະ​ເໜີ​ໃຫ້​ຖັນ​ແຖວ​ຄູ​​ອາ​ຈານ, ພະ​ນັກ​ງານ​ຄຸ້ມ​ຄອງ​ການ​ສຶກ​ສາ​ສືບ​ຕໍ່​ຜັນ​ຂະ​ຫຍາຍ​ປະ​ຕິ​ບັດ​ຍຸ​ດ​ທະ​ສາດ​ພັດ​ທະ​ນາ​ການ​ສຶກ​ສາ​ປີ 2011 – 2020, ຈຸດ​ສຸມ​ແມ່ນ​ປ່ຽນ​ໃໝ່​ພື້ນ​ຖານ, ຮອບ​ດ້ານ​ພື້ນ​ຖານ​ການ​ສຶກ​ສາ ຫວຽດ​ນາມ ຕາມ​ທິດ​ຫັນ​ເປັນ​ມາດ​ຕະ​ຖານ, ​ຫັນ​ເປັນທັນ​ສະ​ໄໝ, ​ຫັນ​ເປັນ​ວຽກ​ງານ​ຂອງສັງ​ຄົມ, ຫັນ​ເປັນ​ປະ​ຊາ​ທິ​ປະ​ໄຕ ແລະ ເຊື່ອມ​ໂຍງ​ເຂົ້າ​ກັບ​ສາ​ກົນ