ຮອງປະທານປະເທດດັ້ງທິ້ຫງອກທິ້ງເຂົ້າຮ່ວມພິທີສະເຫຼີມສະຫຼອງ 1977 ປີແຫ່ງວັນລຸກຮື້ຂຶ້ນຂອງ 2 ພະນາງຈຶງ
ພິທີສະເຫຼີມສະຫຼອງ 1977 ປີແຫ່ງວັນລຸກຮື້ຂຶ້ນຂອງ 2 ພະນາງຈຶງ
(ພາບ: thanglong.chinhphu.vn)
(vovworld) - ຕອນເຊົ້າວັນທີ 02/02 (ກົງກັບວັນທີ 06 ບຸນເຕັດປີລະກາ), ໄດ້ດຳເນີນພິທີສະເຫຼີມສະຫຼອງ 1977 ປີແຫ່ງວັນລຸກຮື້ຂຶ້ນຂອງ 2 ພະນາງຈຶງ ແລະ ໄຂງານບຸນພະວິຫານ 2 ພະນາງຈຶງ ປີ 2017 ຢູ່ເຂດປູຊະນີຍະສະຖານພິເສດພະວິຫານ 2 ພະນາງຈຶງ, ທີ່ເມືອງ ເມລິງ, ຮ່າໂນ້ຍ. ກ່າວຄຳເຫັນທີ່ພິທີ, ທ່ານນາງຮອງປະທານປະເທດ ດັ້ງທິ້ຫງອກທິ້ງ ຢືນຢັນວ່າ: 2 ພະນາງຈຶງ ແລະ ການລຸກຮື້ຂຶ້ນຂອງ 2 ພະນາງຈຶງ ໄດ້ເປັນມໍລະດົກທາງດ້ານຈິດໃຈອັນເລີດລ້ຳ, ນັ້ນແມ່ນການຕໍ່ສູ້ປົດປ່ອຍຊາດ, ຕິດພັນກັບການເສີມຂະຫຍາຍກຳລັງແຮງສາມັກຄີທົ່ວປວງຊົນທັງຊາດ, ໃນນັ້ນມີກຳລັງແຮງດ້ານພູມປັນຍາ, ນ້ຳໃຈລູກຮື້ຂຶ້ນຂອງແມ່ຍິງຫວຽດນາມ. ທ່ານນາງຮອງປະທານປະເທດ ກໍເນັ້ນໜັກວ່າ, ຄວາມເອກອ້າງທະນົງໃຈກ່ຽວກັບມູນເຊື້ອແມ່ຍິງຫວຽດນາມ, ຍົກສູງນ້ຳໃຈຮັກຊາດ, ເຈດຈຳນົງບໍ່ຍອມຈຳນົນຂອງ 2 ພະນາງຈຶງ, ແມ່ຍິງຫວຽດນາມ ໄດ້ມີບັນດາການປະກອບສ່ວນຢ່າງໃຫຍ່ຫຼວງໃນຕະຫຼອດໄລຍະປະຫວັດສາດແຫ່ງການຕໍ່ສູ້ປົດປ່ອຍຊາດ ກໍຄືໃນພາລະກິດສ້າງສາ ແລະ ປົກປັກຮັກສາປະເທດຊາດ.