ທ່ານນາງຮອງປະທານປະເທດ ດັ້ງທິງອັກທິ້ງ ໄດ້ໃຫ້ການຕ້ອນຮັບທ່ານສາດສະດາຈານ, ປະລິນຍາເອກ Villiam P.Magee (ພາບ: TTXVN)

ທີ່ການຕ້ອນຮັບ, ທ່ານນາງຮອງປະທານປະເທດຕີລາຄາສູງບັນດາການປະກອບສ່ວນຂອງອົງການ Operation Smile ໃນຊຸມປີຜ່ານມາ ເພື່ອແນໃສ່ນຳມາເຊິ່ງຮອຍຍິ້ມ ແລະ ປ່ຽນແປງຊີວິດໃຫ້ເດັກນ້ອຍ ຫວຽດນາມ ນັບພັນຄົນ. ທ່ານນາງຮອງປະທານປະເທດ ດັ້ງທິງອັກທິງ ປາດຖະໜາວ່າ ໃນໄລຍະຕໍ່ໄປ ອົງການ Operation Smile ຈະສືບຕໍ່ໜູນຊ່ວຍ ຫວຽດນາມ ໃນການເບິ່ງແຍງດູແລ, ປົກປ້ອງສຸຂະພາບເດັກນ້ອຍເວົ້າລວມ ແລະ ຜາຕັດ, ກາຍຍະບຳບັດ, ໃຫ້ເດັກນ້ອຍທີ່ມີໃບໜ້າບໍ່ສົມປະກອບເວົ້າສະເພາະ. ທ່ານນາງຮອງປະທານປະເທດ ດັ້ງທິງອັກທິ້ງ ຢັ້ງຢືນວ່າ ຫວຽດນາມ ຈະຕັ້ງໜ້າສົມທົບ, ສ້າງທຸກເງື່ອນໄຂສະດວກໃຫ້ Operation Smile ເພື່ອນຳມາເຊິ່ງຮອຍຍິ້ມໃຫ້ເດັກນ້ອຍທີ່ມີໃບໜ້າບໍ່ສົມປະກອບມາແຕ່ເກີດຢູ່ ຫວຽດນາມ ໃຫ້ຫລາຍກ່ວາອີກ.

ສ່ວນທ່ານສາດສະດາຈານ, ປະລິນຍາເອກ Villiam P.Magee ໃຫ້ຮູ້ວ່າ: Operation Smile ແມ່ນໜຶ່ງໃນບັນດາອົງການບໍ່ຂຶ້ນກັບລັດຖະບານແຫ່ງທຳອິດຂອງ ອາເມລິກາ ມີໜ້າຢູ່ ຫວຽດນາມ ດ້ວຍພາລະນຳມາເຊິ່ງຮອຍຍິ້ມ, ປ່ຽນແປງຊີວິດໃຫ້ບັນດາເດັກນ້ອຍ ສົບແວ່ງຄາງກະໄຕບ້ຽວ ກໍ່ຄືບັນດາໃບໜ້າທີ່ບໍ່ສົມປະກອບມາແຕ່ເກີດ ຜ່ານໂຄງການຜາຕັດກຸສົນ.