(vovworld) – ຕອນເຊົ້າວັນທີ 13/7, ຢູ່ສຳນັກງານປະທານປະເທດຫວຽດນາມ ທີ່ຮ່າໂນ້ຍ, ທ່ານນາງຮອງປະທານປະເທດຫວຽດນາມ Nguyen Thi Doan ໄດ້ໃຫ້ການຕ້ອນຮັບຄະນະຜູ້ແທນປັນຍາຊົນໜຸ່ມທີ່ດີເດັ່ນກຸ່ມບັນດາອົງການສຳນັກງານຂັ້ນສູນກາງລວມ 100 ຄົນ. ນະທີ່ນີ້, ທ່ານນາງຮອງປະທານປະເທດ Nguyen Thi Doan ໄດ້ຢືນຢັນວ່າ ຍາມໃດ ພັກ ແລະ ລັດ ຫວຽດນາມກໍເອົາໃຈໃສ່, ຖືຊາວໜຸ່ມ ແລະ ວຽກງານຊາວໜຸ່ມແມ່ນສຳຄັນທີ່ສຸດ, ແມ່ນບັນຫາເປັນຕາຍຂອງຊາດ, ແມ່ນໜຶ່ງໃນບັນດາປັດໃຈຕັດສິນຄວາມສຳເລັດຜົນຂອງການປະຕິວັດຫວຽດນາມ. ທ່ານນາງຮອງປະທານປະເທດ Nguyen Thi Doan ໄດ້ເນັ້ນໜັກວ່າ ບັນດາຜູ້ແທນປັນຍາຊົນໜຸ່ມທີ່ດີເດັ່ນຕ້ອງສູ້ຊົນໃຫ້ກາຍເປັນບັນດາພະນັກງານ ທີ່ກັ່ງກ້າສາມາດ ມີຄຸນສົມບັດສິນທຳປະຕິວັດສາມັກຄີກັນ, ຕັ້ງໜ້າຮໍ່າຮຽນ, ຝຶກຝົນຫຼໍ່ຫ໌ອມ, ສົມກັບເປັນເສນາທິການຊ່ວຍໃຫ້ບັນດາອົງການສຳນັກງານຂັ້ນສູນກາງຜັນຂະຫຍາຍແນວທາງ, ນະໂຍບາຍຂອງພັກ ແລະ ລັດ ເປັນຢ່າງດີ. ທ່ານນາງຮອງປະທານປະເທດ Nguyen Thi Doan ສະເໜີວ່າ ໃນໄລຍະຈະມາເຖິງ, ບັນດາຜູ້ແທນປັນຍາຊົນໜຸ່ມທີ່ດີເດັ່ນກຸ່ມບັນດາອົງການສຳນັກງານຂັ້ນສູນກາງສືບຕໍ່ຝຶກຝົນຫຼໍ່ຫຼອມສະຕິຄຸນສົມບັດ, ເພີ່ມທະວີການຄົ້ນຄວ້າ, ຮໍ່າຮຽນ, ປະຕິບັດຕາມແນວຄິດ ແລະ ແບບຢ່າງຄຸນສົມບັດປະທານໂຮ່ຈິມິນ, ຕອບສະໜອງຄວາມຮຽກຮ້ອງຕ້ອງການຂອງວຽກງານ ແລະ ໜ້າທີ່ສ້າງສາ ແລະ ປົກປັກຮັກສາປະເທດຊາດໃນໄລຍະໃໝ່.