ຮອງປະທານປະເທດຫງວຽນທິຢວານຢ້ຽມຢາມ,ອວຍພອນປີໃໝ່ຢູ່ແຂວງຮ່ານາມ
ທ່ານນາງຮອງປະທານປະເທດ ຫງວຽນທິຢວານ ໃຫ້ປະຊາຊົນທຸກຍາກຕາແສງ ເຈີນຫຼີ
(ພາບ: baomoi.com)
(vovworld) – ວັນທີ 27/1, ເມື່ອໂອ້ລົມກັບການນຳ ແລະ ປະຊາຊົນແຂວງ ຮ່ານາມ, ທ່ານນາງຮອງປະທານປະເທດ ຫງວຽນທິຢວານ ໄດ້ຍ້ອງຍໍຊົມເຊີຍບັນດາໝາກຜົນທີ່ແຂວງ ຮ່ານາມ ບັນລູໄດ້ໃນປີ 2013, ພ້ອມທັງເນັ້ນໜັກວ່າ: ແຂວງ ຮ່ານາມ ພວມແມ່ນຈຸດພົ້ນເດັ່ນໃນບັນດາຂົງເຂດຄື: ດຶງດູດການລົງທຶນ, ພັດທະນາສາທາລະນະສຸກ, ການສຶກສາ. ທ່ານນາງຮອງປະທານປະເທດ ສະເໜີໃຫ້ປີ 2014, ອົງຄະນະພັກ ແລະ ປະຊາຊົນແຂວງ ຮ່ານາມ ຄວນສືບຕໍ່ເສີມຂະຫຍາຍບັນດາຜົນງານ, ນຳແຂວງໃຫ້ນັບມື້ນັບພັດທະນາ.
ເນື່ອງໃນໂອກາດນີ້, ທ່ານນາງຮອງປະທານປະເທດ ຫງວຽນທິຢວານ ໄດ້ຢ້ຽມຢາມ ແລະ ມອບຂອງຂວັນໃຫ້ບັນດາຄອບຄົວມີຄຸນງາມຄວາມດີຕໍ່ການປະຕິວັດ, ບັນດາອະດີດຊາວໜຸ່ມຕະລຸມບອນທີ່ປະສົບກັບຄວາມຫຍຸ້ງຍາກເປັນພິເສດຢູ່ບັນດາເມືອງ ຫຼີເຍີນ, ບິ່ງລຸກ, ແທງລຽມ ແລະ ນະຄອນ ຝູຫຼີ໋.