ຮອງປະທານສະພາແຫ່ງຊາດຕ່ອງທິຟ໋ອງຕ້ອນຮັບຄະນະຜູ້ແທນຊາວໜຸ່ມ2ປະເທດລາວແລະກຳປູເຈຍ
ຮອງປະທານສະພາແຫ່ງຊາດຕ່ອງທິຟ໋ອງຕ້ອນຮັບຄະນະຜູ້ແທນຊາວໜຸ່ມ2ປະເທດລາວແລະກຳປູເຈຍ
(ພາບ: Phương Hoa - TTXVN)
(vovworld) – ທີ່ການຕ້ອນຮັບຄະນະຜູ້ແທນຊາວໜຸ່ມ 2 ປະເທດ ລາວ ແລະ ກຳປູເຈຍໃນວັນທີ 8/12, ທີ່ສຳນັກງານສະພາແຫ່ງຊາດ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຕີລາຄາສູງຂໍ້ລິເລີ່ມຈັດຕັ້ງກອງປະຊຸມຮ່ວມມືຊາວໜຸ່ມ ຫວຽດນາມ - ລາວ - ກຳປູເຈຍ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຢືນຢັນວ່າ: ກອງປະຊຸມນີ້ແມ່ນການເຄື່ອນໄຫວທີ່ມີຄວາມໝາຍປະກອບສ່ວນສຶກສາຊາວໜຸ່ມ 3 ປະເທດກ່ຽວກັບການພົວພັນມິດຕະພາບທີ່ເປັນມູນເຊື້ອແບບພິເສດລະຫວ່າງ 3 ປະເທດ, ທັງແມ່ນໂອກາດເພື່ອເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນລະຫວ່າງ ປະຊາຊົນ ແລະ ລຸ່ນໜຸ່ມ 3 ປະເທດ. ທ່ານນາງ ຕ່ອງທິຟ໋ອງ, ຢືນຢັນວ່າ: ຫວຽດນາມ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ, ການຮ່ວມມືຮອບດ້ານ, ຄວາມໄວ້ເນື້ອເຊື່ອໃຈ ແລະ ສະໜິດຕິດພັນລະຫວ່າງ ຫວຽດນາມ, ລາວ ແລະ ກຳປູເຈຍ. ພັກ ແລະ ລັດ ຫວຽດນາມ, ສະໜັບສະໜູນ ແລະ ສ້າງເງື່ອນໄຂເພື່ອໃຫ້ຊາວໜຸ່ມ 3 ປະເທດ ຫວຽດນາມ, ລາວ ແລະ ກຳປູເຈຍ ເພີ່ມທະວີບັນດາການເຄື່ອນໄຫວພົວພັນແລກປ່ຽນ, ແລກປ່ຽນບົດຮຽນ, ຮ່ວມມືມິດຕະພາບ. ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ເຊື່ອໝັ້ນວ່າ: ຊາວໜຸ່ມ 3 ປະເທດຈະຍົກສູງຄຸນນະພາບບັນດາໂຄງການຮ່ວມມືທີ່ມີຢູ່ແລ້ວ, ຊອກຮູ້, ມີຫົວຄິດປະດິດສ້າງ, ເປີດກ້ວາງບັນດາຂົງເຂດຮ່ວມມືໃໝ່ຢ່າງມີປະສິດທິຜົນ, ນຳມາເຊິ່ງປະສິດທິຜົນ ແລະ ຜົນປະໂຫຍດແທດຈິງ.