(vovworld)-​​​ ​ເນື່ອງ​ໃນ​ໂອ​ກາດ​ເຂົ້າ​ຮ່ວມກອງ​ປະ​ຊຸມ​ໃຫຍ່ AIPA ຄັ້ງ​ທີ 35 ຢູ່​ນະ​ຄອນຫຼວງວຽງ​ຈັນ​ປະ​ເທດ​ລາວ, ​ຕອນ​ບ່າຍ​ວັນ​ທີ 17/9 ທ່າ​ນ​ນາງ​ ຮອງ​ປະ​ທານ​ສະ​ພາ​ແຫ່ງ​ຊາດ​ຫວຽດ​ນາມ ຕ່ອງ​ທິ​ຟ໋ອງ ໄດ້​ໃຫ້​ການ​ຕ້ອນ​ຮັບ​ຫົວ​ໜ້າ​ຄະ​ນະ​ຜູ້​ແທນ​ສະ​ພາ​ແຫ່ງ​ຊາດ: ຈີນ, ​ຍີ່ປຸ່ນ ແລະ ກຳ​ປູ​ເຈຍ. ທີ່​ການ​ຕ້ອນ​ຮັບ​ ລະ​ຫວ່າງ​ ທ່ານ​ນາງ​ ຮອງ​ປະ​ທານ​ສະ​ພາ​ແຫ່ງ​ຊາດຫວຽດ​ນາມຕ​ອ່ງ​ທິ​ຟ໋ອງ ແລະ ຫົວ​ໜ້າ​ກຳ​ມາທິ​ການ​ເສດ​ຖະ​ກິດ, ການ​ເງິນ ແລະ ທະ​ນາ​ຄານ​ກຳ​ປູ​ເຈຍ Cheam Yeap, 2 ຝ່າຍ​​ໄດ້ເ​ນັ້ນ​ໜັກ​​ເຖິງ​ເລື່ອງ​ແລກ​ປ່ຽນ​ຄະ​ນະ​ຜູ້​ແທນ ແລະ ແບ່ງ​ປັນ​ບົດ​ຮຽນ​ໃນ​ວຽກ​ງານ​ນິ​ຕິ​ບັນ​ຍັດ, ຕິດ​ຕາມກວດ​ກາເປັນ​ປະ​ຈຳ, ກໍ່​ຄື​ຕັ້ງ​ໜ້າ​ສະ​ໜັບ​ສະ​ໜູນ​ເຊິ່​ງກັນ ແລະ ກັນ​ໃນບັນ​ດາ​ເວ​ທີ​ປາ​ໄສ​ລັດ​ຖະສະ​ພາ​ໃນ​ພາກ​ພື້ນ ແລະ ສາ​ກົນ. ທີ່​ການ​ຕ​້ອນ​ຮັບ​ຄະ​ນະ​ຜູ້​ແທນ​ສະ​ພາ​ແຫ່ງ​ຊາດ​ຍີ່​ປຸ່ນ, ທ່ານ​ນາງ​​ ຮອງປະ​ທານ​ສະ​ພາ​ແຫ່ງ​ຊາດຫວຽດ​ນາມ ຕ່ອງ​ທິ​ຟ໋ອງ ແລະ ທ່ານ ຫົວ​ໜ້າ​ຄະ​ນະ​ຜູ້​ແທນ​ສະ​ພາ​ແຫ່ງ​ຊາດ​ຍີ່​ປຸ່ນ Shimpei Matsushita ກໍ່​ເປັນ​ເອ​ກະ​ພາບຈະ​ເພີ່ມ​ທະ​ວີ​ການ​ຮ່ວມ​ມື, ການ​​ເຈ​ລະ​ຈາ, ແລກ​ປ່ຽນ​ຄຳ​ເຫັນ ແລະ ບົດ​ຮຽນ​ນິ​ຕິ​​​ບັນ​ຍັດ;ເພີ່ມ​ທະ​ວີ​ການ​ພົບ​ປະ​ແລກ​ປ່​ຽນ​ລະຫວ່າງ​ບັນ​ດາສະ​ມາ​ຊິກ​ລັດ​ຖະ​ສະ​ພາໜຸ່ມ​ຂອງ 2 ປະ​ເທດ. ໃນ​ໂອ​ກາດນີ້, ທ່ານ​ນາງ​ຮອງ​ປະ​ທານ​ສະ​ພາ​ແຫ່ງ​ຊາດ ຕ່ອງ​ທິ​ຟ໋ອງ ກໍ່​ໃຫ້​ການ​ຕ້ອນ​ຮັບ​ ທ່ານ Chi Wan Chun ຫົວ​ໜ້າກຳ​ມາ​ທິ​ການ​ຕ່າງ​ປະ​ເທດ, ກຳ​ມະ​​ການ​ຄະ​ນະ​ປະ​ຈຳ​ສະ​ພາ​ແຫ່ງ​ຊາດ​ຈີນ.