ທ່ານນາງ ຕ່ອງທິຟ໋ອງ ຕ້ອນຮັບ ທ່ານນາງ Nicola Beer
(ພາບ: DinhNam)
(vovworld) – ວັນທີ 29/12, ທີ່ການຕ້ອນຮັບທ່ານນາງ Nicola Beer, ເລຂາທິການໃຫຍ່ພັກເສລີປະຊາທິປະໄຕ ເຢຍລະມັນ, ສະມາຊິກລັດຖະສະພາລັດ Hessen, ສາທາລະນະ ສະຫະພັນ ເຢຍລະມັນ. ທ່ານນາງ ຕ່ອງທິຟ໋ອງ, ຮອງປະທານສະພາແຫ່ງຊາດ ຫວຽດນາມ ເນັ້ນໜັກວ່າ: ຫວຽດນາມ ຍາມໃດກໍ່ຕີລາຄາສູງບົດບາດຂອງ ເຢຍລະມັນໃນສະຫະພາບ ເອີລົບ ແລະ ຖືເປັນສຳຄັນການພົວພັນຮ່ວມມືກັບ ເຢຍລະມັນ. ຕີລາຄາສູງທີ່ຕັ້ງ, ບົດບາດຂອງລັດ Hessen ໃນການພັດທະນາສາຍພົວພັນ 2 ຝ່າຍ ຫວຽດນາມ - ເຢຍລະມັນ, ທ່ານນາງຮອງປະທານສະພາແຫ່ງຊາດ ຕ່ອງທິຟ໋ອງ ຢືນຢັນວ່າ: ຫວຽດນາມ ຍາມໃດກໍ່ສະໜັບສະໜູນ ແລະ ສ້າງເງື່ອນໄຂສະດວກ ເພື່ອໃຫ້ບັນດາວິສາຫະກິດ ເຢຍລະມັນ ເວົ້າລວມ ແລະ ລັດ Hessen ເວົ້າສະເພາະເຂົ້າມາລົງທຶນ, ດຳເນີນທຸລະກິດຢ່າງມີປະສິດທິຜົນ, ຍາວນານ ແລະ ເປັນປົກກະຕິຢູ່ ຫວຽດນາມ. ສ່ວນທ່ານນາງ Nicola Beer ເລຂາທິການໃຫຍ່ພັກເສລີປະຊາທິປະໄຕ ເຢຍລະມັນ ໃຫ້ຮູ້ວ່າ: ປະຈຸບັນສາທາລະນະລັດ ສະຫະພັນ ເຢຍລະມັນ ເວົ້າລວມ ແລະ ລັດ Hessen ເວົ້າສະເພາະ ມີຄວາມສົນໃຈທີ່ສຸດເຖິງຂົງເຂດກໍ່ສ້າງອາຊີບ ເພື່ອແນໃສ່ຕອບສະໜອງຄວາມຮຽກຮ້ອງຕ້ອງການດ້ານແຮງງານທີ່ມີຄຸນນະພາບສູງຂອງ ຫວຽດນາມ ໃຫ້ດີກ່ວາ. ທ່ານນາງ Nicola Beer ຢືນຢັນວ່າ: ໃນໄລຍະຈະມາເຖິງ ຈະສືບຕໍ່ສະໜັບສະໜູນການພົວພັນຮ່ວມມືລະຫວ່າງ ຫວຽດນາມ ແລະ ສະຫະພັນ ເຢຍລະມັນ ໃຫ້ນັບມື້ນັບພັດທະນາ.