ຮອງປະທານສະພາແຫ່ງຊາດອວງຈູລືວຢ້ຽມຢາມນອກແວ
ຮອງປະທານສະພາແຫ່ງຊາດອວງຈູລືວຢ້ຽມຢາມນອກແວ
(ພາບ: Thanh Hải/Vietnam+)
(vovworld) – ແຕ່ວັນທີ 5 – 6/12/2013, ຄະນະຜູ້ແທນສະພາແຫ່ງຊາດ ຫວຽດນາມ ໂດຍທ່ານຮອງປະທານສະພາແຫ່ງຊາດ ຫວຽດນາມ ອວງຈູລືວ ນຳໜ້າໄດ້ຢ້ຽມຢາມ ແລະ ເຮັດວຽກຢູ່ ນອກແວ ເພື່ອແນໃສ່ເພີ່ມທະວີການພົວພັນລະຫວ່າງ 2 ສະພາແຫ່ງຊາດ, ທາບທາມບົດຮຽນກ່ຽວກັບການຈັດຕັ້ງກົງຈັກລັດ, ປະຕິບັດພາລະໜ້າທີນິຕິບັນຍັດ ແລະ ຕິດຕາມກວດກາຂອງສະພາແຫ່ງຊາດ ນອກແວ, ປະກອບສ່ວນປັບປຸງການພົວພັນມິດຕະພາບ, ການຮ່ວມມືຮອບດ້ານລະຫວ່າງ 2 ປະເທດ, ໃນການຢູ່ຢ້ຽມຢາມ ນອກແວ, ຄະນະໄດ້ມີການພົບປະກັບຮອງປະທານຜູ້ທີໜຶ່ງ ສະພາແຫ່ງຊາດ ນອກແວ, ເຮັດວຽກກັບປະທານສານສູງສຸດ, ການນຳໄອຍະການສູງສຸດ...
ຝ່າຍ ນອກແວ ໄດ້ແນະນຳກ່ຽວກັບການຈັດຕັ້ງ, ພາລະໜາທີ່ ແລະ ບົດຮຽນຂອງສະພາແຫ່ງຊາດ, ບັນດາອົງການຂອງສະພາແຫ່ງຊາດ, ສານ, ໄອຍະການ, ບັນດາອົງການຕຸລການ... ຝ່າຍ ນອກແວ ສະແດງຄວາມເອົາໃຈໃສ່ພັດທະນາການລົງທຶນ, ການຄ້າຂອງ ຫວຽດນາມ ກັບບັນດາປະເທດ ເອີລົບ, ໜູນຊ່ວຍ ແລະ ຮ່ວມມືກັບ ຫວຽດນາມ ໃນຫຼາຍຂົງເຂດ ແລະ ພາຍໃຕ້ຮູບແບບຕ່າງໆໃນຂົງເຂດ: ການເມືອງ, ເສດຖະກິດ, ການຄ້າ, ຮ່ວມມືພັດທະນາ, ຮັບມືກັບການປ່ຽນແປງຂອງດິນຟ້າອາກາດ ແລະ ນ້ຳທະເລຂຶ້ນສູງ, ຊ່ວຍ ຫວຽດນາມ ປະຕິບັດຈຸດໝາຍທີ່ໄດ້ວາງອອກໃນໄລຍະຈະມາເຖິງແມ່ນ ພັດທະນາແບບຍືນຍົງ, ພັດທະນາເສດຖະກິດ ໄປຄຽງຄູ່ກັບການປົກປັກຮັກສາສິ່ງແວດລ້ອມ.
ເນື່ອງໃນໂອກາດນີ້, ທ່ານຮອງປະທານສະພາແຫ່ງຊາດ ອວງຈູລືວ ໄດ້ປະກາດກ່ຽວກັບເລື່ອງສະພາແຫ່ງຊາດ ຫວຽດນາມ ຈະເປັນເຈົ້າພາບຈັດຕັ້ງກອງປະຊຸມໃຫຍ່ສຳພັນທະມິດລັດຖະສະພາໂລກ IPU - 132.