(vovworld) ຕອນ​ບ່າຍວັນ​ທີ 28/6, ຢູ່​ນະຄອນ​ຫຼວງ​ວຽງ​ຈັນ, ຄະນະ​ຜູ້​ແທນ​ຂັ້ນ​ສູງກະຊວງ​ຕຳຫຼວດ​ຫວຽດນາມ ​ໂດຍ​ທ່ານລັດຖະມົນຕີຊ່ວຍ​ວ່າການ, ຜູ້​ປະຈຳການ​ກະຊວງ​ຕຳຫຼວດ​ຫວຽດນາມ Dang Van Hieu ​ເປັນ​ຫົວໜ້າ​ຄະນະ ​ໄດ້​ມີ​ການ​ພົບ​ປະ​ກັບ​ທ່ານຮອງນາຍົກລັດຖະມົນຕີລາວ ອາຊາ​ງລາວ​ລີ. ທີ່​ການ​ພົບ​ປະ, ທ່ານລັດຖະມົນຕີຊ່ວຍ​ວ່າການ Dang Van Hieu ​ໄດ້​ແຈ້ງ​ໃຫ້ທ່ານຮອງນາຍົກລັດຖະມົນຕີລາວ ອາຊາ​ງລາວ​ລີຊາບ​ໝາກຜົນ​ແຫ່ງ​ການ​ສົມທົບ​ກັບກະຊວງ​ປ້ອງ​ກັນ​ຄວາມ​ສະຫງົບ​ລາວ ຈັດ​ຕັ້ງ​ກະກຽມງານ​ຊຸມນຸມ​ຂຳ່ນັບ​ຊົມ​ເຊີຍ​ປີ​ແຫ່ງ​ຄວາມ​ສາມັກຄີ ມິດຕະພາບ​ຫວຽດ ນາມ - ລາວ 2012 ​ແລະ ພິທີ​ສະ​ເຫຼີ​ມສະຫຼອງ 50 ປີ ​ແຫ່ງ​ວັນ​ສ້າງ​ຕັ້ງ​ສາຍ​ພົວພັນ​ທາງ​ການ​ທູດ, 35 ປີ ​ແຫ່ງ​ວັນ​ເຊັນ​ສົນທິສັນຍາ​ມິດຕະພາບ ​ແລະ ຮ່ວມ​ມື​ລະຫວ່າງ​ສອງ​ປະ​ເທດ​ສຳ​ເລັດ​ຜົນ. ສ່ວນ​ທ່ານຮອງນາຍົກ ລັດຖະມົນຕີລາວ ອາຊາ​ງລາວ​ລີ ກໍ່​ຢັ້ງຢືນ​ວ່າ ພັກ, ລັດຖະບານ ​ແລະ ປະຊາຊົນ​ລາວ​ຍາມ​ໃດ​ກໍ່​ຮັບ​ຮູ້ ​ແລະ ຕີ​ລາຄາ​ສູງ​ການ​ຊ່ວຍ​ເຫຼືອ​ຢ່າງ​ສຸດ​ຈິດ​ສຸດ​ໃຈ ​ແລະ ມີ​ປະສິດທິ​ຜົນ​ຂອງ​ພັກ, ລັດຖະບານ ​ແລະ ປະຊາຊົນ​ຫວຽດນາມ​ ເຊິ່ງ​ໄດ້​ສະຫງວນ​ໃຫ້​ແກ່​ລັດຖະບານ ​ແລະ ປະຊາຊົນ​ລາວ​ບັນດາ​ເຜົ່າ​ໃນ​ຂະ​ບວນວິວັດ​ແຫ່ງ​ການ​ສ້າງສາ ​ແລະ ປົກ​ປັກ​ຮັກສາ​ປະ​ເທດ​ຊາດ.