(VOVWORLD) - ວັນທີ 10 ພະຈິກ, ທ່ານຮອງນາຍົກລັດຖະມົນຕີ ຫວຽດນາມ ເຈິ່ນຮົ່ງຮ່າ ໄດ້ເຊັ່ນຂໍ້ຕົກລົງຮັບຮອງເອົາການວາງແຜນຜັງແຂວງ ນິງທ້ວນ ໄລຍະ 2021 – 2030, ວິໄສທັດຮອດປີ 2050.
 ພາບປະກອບ: Vietnam+ |
ເປົ້າໝາຍສັງລວມ: ສູ້ຊົນຮອດປີ 2030, ແຂວງນິງທ້ວນກາຍເປັນແຂວງມີລາຍຮັບສະເລ່ຍນອນໃນກຸ່ມປານກາງສູງຂອງທົ່ວປະເທດ, ມີການພັດທະນາຢ່າງຂະຫຍັນຂັນເຄື່ອນ, ໂດຍໄວ ແລະ ຍືນຍົງ ດ້ວຍເສດຖະກິດທະເລ, ເສດຖະກິດຕົວເມືອງ ແມ່ນກຳລັງໜູນການເຕີບໂຕ. ກ່ຽວກັບເສດຖະກິດ, ສູ້ຊົນນຳອັດຕາການເຕີບໂຕ GRDP ບັນລຸສະເລຍແຕ່ 10 - 11%/ປີ. ຮອດປີ 2030, ການທ່ອງທ່ຽວພັດທະນາກາຍເປັນຂະແໜງເສດຖະກິດປາຍແຫຼມ ຕາມທິດຍືນຍົງ, ປະກອບສ່ວນ 15% GRDP ທົ່ວແຂວງ. ການທ່ອງທ່ຽວແຂວງ ນິງທ້ວນກາຍເປັນຈຸດນັດພົບພິເສດທີ່ມີຄວາມດຶງດູດໃຈ, ຄວາມສາມາດແກ້ງແຍ່ງກັບບັນດາສະຖານທີ່ໃນພາກພື້ນ ແລະ ທົ່ວປະເທດ.