ງານວາງສະແດງໄດ້ແນະນຳຮູບພາບ 200 ແຜ່ນ
(ພາບ: hanoimoi.com.vn)
(vovworld) – ຕອນບ່າຍວັນທີ 17/5, ຢູ່ບໍລິເວນສວນດອກໄມ້ ລີ໋ທ໋າຍໂຕ໋, ພະແນກວັດທະນະທຳ - ກິລາ ຮ່າໂນ້ຍ ໄດ້ໄຂງານວາງສະແດງຮູບພາບ “ວັນບຸນຂອງທົ່ວປວງຊົນ”. ງານວາງສະແດງໄດ້ນຳມາວາງສະແດງຮູບພາບ, ຮູບຈຳລອງເກືອບ 200 ແຜ່ນແນະນຳກ່ຽວກັບສະໄໝຕ່າງໆຂອງການເລືອກຕັ້ງ ສສຊ ແລະ ສະພາປະຊາຊົນທຸກຂັ້ນໃນທົ່ວປະເທດ, ໃນນັ້ນມີບັນດາພາບຖ່າຍ, ເອກະສານທີ່ລຳ້ຄ່າກ່ຽວກັບພໍ່ແມ່ປະຊາຊົນຊົນບັນດາເຜົ່າຢູ່ເຂດ ວຽດບັກ ໄປປະຕິບັດໜ້າທີ່ຂອງຜູ້ມີສິດເລືອກຕັ້ງໃນການເລືອກຕັ້ງສະພາແຫ່ງຊາດຊຸດທີ 5… ງານວາງສະແດງກໍ່ໄດ້ແນະນຳເຖິງມະຫາຊົນບັນດາຮູບພາບຜົນງານທີ່ພົ້ນເດັ່ນໃນພາລະກິດສ້າງສາ ແລະ ພັດທະນາຂອງນະຄອນຫຼວງ ຮ່າໂນ້ຍ ແລະ ໄດ້ວາງສະແດງປື້ມ, ໜັງສືພິມ, ເອກະສານທີ່ລຳ້ຄ່າກ່ຽວກັບພັກ, ສະພາແຫ່ງຊາດ ແລະ ບັນດາການເຄື່ອນໄຫວຂອງອຳນາດການປົກຄອງນະຄອນ ຮ່າໂນ້ຍ ຢ່າງຫຼວງຫຼາຍ. ເຂົ້າຮ່ວມງານວາງສະແດງ, ເພື່ອນ ໂຕ໋ງທິຮັ່ງ, ນັກສຶກສາສະຖາບັນກະສິກຳ ຫວຽດນາມ, ໃຫ້ຮູ້ວ່າ:
“ໃນງານວາງສະແດງນີ້ມີຫຼາຍສິ່ງທີ່ມີປະໂຫຍດ, ຊ່ວຍໃຫ້ຂ້າພະເຈົ້າເຂົ້າໃຈຫຼາຍກ່ວາກ່ຽວກັບຂໍ້ມູນຂ່າວ, ປະຫວັດສາດຂອງການເລືອກຕັ້ງກ່ອນນີ້ ກໍ່ຄືໃຫ້ຂ້າພະເຈົ້າຮູ້ໄດ້ບັນຍາກາດທີ່ອົງອາດກ້າຫານຂອງຊຸມວັນເດືອນປີໃນເມື່ອກ່ອນຂອງຊາດ, ເຮັດໃຫ້ຂ້າພະເຈົ້າມີຄວາມເອກອ້າງທະນົງໃຈຍ້ອນຕົນແມ່ນຊາວ ຫວຽດນາມ. ຜ່ານງານວາງສະແດງຄັ້ງນີ້, ຂ້າພະເຈົ້າມີສະຕິກ່ວາກ່ຽວກັບພັນທະ ກໍ່ຄືສິດຜົນປະໂຫຍດຂອງຕົນເມື່ອໄປປ່ອນບັດເລືອກຕັ້ງຊອກຫາບັນດາຜູ້ມີຄວາມເກັ່ງກ້າສາມາດ, ມີຄຸນສົມບັດ, ມີຈັນຍາບັນເພື່ອຮັບໃຊ້ປະເທດຊາດ.”