(vovworld) – ​ ຕອນ​ຄ່ຳ​ວັນ​ທີ 13/10, ຄະນະ​ກຳມະການ​ປະຊາຊົນ​ນະຄອນ ຮ່າ​ໂນ້ຍ ​ແລະ ຄະນະ​ກຳມະການ​ແນວ​ໂຮມ​ປະ​ເທດ​ຊາດ ຫວຽດນາມ ນະຄອນ ຮ່າ​ໂນ້ຍ ຈັດ​ຕັ້ງ​ກອງ​ປະຊຸມ​ຍ້ອງຍໍຊົມ​ເຊີຍວິ​ສາ​ຫະກິດ, ນັກທຸລະກິດ​ທີ່​ດີ​ເດັ່ນ ​ແລະ ປຸກລະດົມ​ເດືອນ​ຈຸດ​ສູງ “ວັນ​ເພື່ອ​ຄົນ​ທຸກ​ຍາກ” ປີ 2015. ກ່າວ​ຄຳ​ເຫັນ​ທີ່​ກອງ​ປະຊຸມ, ທ່ານ ຫງວຽນ​ງ້ອກຕ໋ວນ ຮອງ​ປະທານ​ຄະນະ​ກຳມະການ​ປະຊາຊົນ​ນະຄອນ ຮ່າ​ໂນ້ຍ ​ເຊື່ອ​ໝັ້ນ​ວ່າ: ປະຊາ​ຄົມ​ວິ​ສາ​ຫະກິດ, ນັກທຸລະກິດ ສືບ​ຕໍ່​ປະກອບສ່ວນ​ ເຂົ້າ​ໃນ​ພາລະກິດ​ພັດທະນາ​ເສດຖະກິດ - ສັງຄົມ​ຂອງ​ນະຄອນ​ຫລວງ ​ແລະ ປະ​ເທດ​ຊາດ​​ ໃຫ້​ເຕີບ​ໃຫຍ່​ເຂັ້ມ​ແຂງ​ໃນ​ວິວັດ​ການ​ເຊື່ອມ​ໂຍງ​ເຂົ້າ​ກັບ​ສາກົນ. ​ເນື່ອງ​ໃນ​ໂອກາດ​ນີ້, ຄະນະ​ກຳມະການ​ປະຊາຊົນ​ນະຄອນ ຮ່າ​ໂນ້ຍ ​ໄດ້​ຍ້ອງ​ຍໍຊົມ​ເຊີຍ 21 ໝູ່​ຄະນະ ​ແລະ 1 ສ່ວນ​ບຸກຄົນ ​ທີ່​ມີ​ຜົນງານ​ໃນ​ການ​ສະໜັບສະໜູນ​ຊ່ວຍ​ເຫຼືອກອງ​ທຶນ “​ເພື່ອ​ຄົນ​ທຸກ​ຍາກ”  ​ແລະ ​ໂຄງການ​ໜູນ​ຊ່ວຍຊີວິດ​ສັງຄົມ​ປີ 2014 - 2015.