(ພາບປະກອບ)
(vovworld) – ໃນປີ 2015, ຄະນະກຳມະການແນວໂຮມປະເທດຊາດນະຄອນ ຮ່າໂນ້ຍ ໄດ້ໜູນຊ່ວຍເງິນກ່ວາ 2 ຕື້ດົ່ງ ເພື່ອຊ່ວຍເຫຼືອຄົນທຸກຍາກ, ຜູ້ປະສົມກັບຄວາມຫຍຸ້ງຍາກ, ບັນດາເປົ້າໝາຍນະໂຍບາຍສັງຄົມ. ປີ 2016, ຄະນະກຳມະການແນວໂຮມປະເທດຊາດ ຮ່າໂນ້ຍ ສ້າງໂດງການໜູນຊ່ວຍຄົນທຸກຍາກໃນບໍລິເວນນະຄອນ ໂດຍຜ່ານບັນດາຂະບວນການຂົນຂວາຍ, ສະໜັບສະນູນປະກອບສ່ວນ ດ້ວຍຫລາຍຮູບແບບ, ໃນນັ້ນ ຮ່າໂນ້ຍ ເອົາໃຈໃສ່ເປັນພິເສດ ຍູ້ແຮງວຽກງານໂຄສະນາ, ທະວີຄູນບັນດາຮູບແບບຢ່າງມີປະສິດທິຜົນ, ຮຽກຮ້ອງບັນດາວິສາຫະກິດ, ອົງການຈັດຕັ້ງ, ສ່ວນບຸກຄົນຮ່ວມແຮງຮ່ວມໃຈປະກອບສ່ວນ, ໜູນຊ່ວຍຄົນທຸກຍາກ. ທ່ານຮອງປະທານຜູ້ປະຈຳຄະນະກຳມະການແນວໂຮມປະເທດຊາດນະຄອນ ຮ່າໂນ້ຍ ຫງວຽນຊວນດ້ຽບ ໃຫ້ຮູ້ວ່າ: ເພື່ອຜັນຂະຫຍາຍໂຄງການນີ້ຢ່າງມີປະສິດທິຜົນ, ຄະນະປະຈຳການແນວໂຮມປະເທດຊາດ ໄດ້ເປັນປະທານການປຶກສາຫາລືສົມທົບກັບບັນດາອົງການຈັດຕັ້ງການເມືອງ - ສັງຄົມ ຊ່ວຍເຫຼືອບັນດາຄອບຄົວໃຫ້ຫລຸດພົ້ນອອກຈາກຄວາມທຸກຍາກຢູ່ແຕ່ລະບ້ານ, ຕາແສງ; ກວດກາຄືນ ແລະ ທະວີຄູນຮູບແບບມີປະສິດທິຜົນຂອງບັນດາອົງການຈັດຕັ້ງມະຫາຊົນ, ອົງການສະມາຊິກໃນການຫລຸດຜ່ອນຄວາມທຸກຍາກຢ່າງໝັ້ນຄົງ.