(VOVWORLD) -ຕອນຄ່ຳວັນທີ 04 ຕຸລາ, ພະແນກສຶກສາ ແລະ ບຳລຸງສ້າງນະຄອນຮ່າໂນ້ຍ ໄດ້ຈັດພິທີຕ້ອນຮັບ ແລະ ມອບໃບຍ້ອງຍໍໃຫ້ຄະນະນັກຮຽນຫວຽດນາມ ເຂົ້າຮ່ວມການເສັງ Olympic ວິຊາເລກ ແລະ ວິທະຍາສາດສາກົນ (IMSO 2018).
|
 ຮ່າໂນ້ຍເຊີດຊູນັກຮຽນຍາດໄດ້ລາງວັນ Olympic ວິຊາເລກ ແລະ ວິທະຍາສາດສາກົນ
(ພາບ: TTXVN)
|
ການເສັງດຳເນີນໃນລະຫວ່າງວັນທີ 28 ກັນຍາ - 04 ຕຸລາ ຢູ່ນະຄອນ ຫາງໂຈວ, ປະເທດຈີນ. ຄະນະນັກຮຽນຫວຽດນາມ ບັນລຸຜົນງານພົ້ນເດັ່ນນັກຮຽນເຂົ້າຮອບເສັງທັງໝົດ 23 ຄົນລ້ວນແຕ່ຍາດໄດ້ຫຼຽນ, ໃນນັ້ນມີຫຼຽນຄຳ 8 ຫຼຽນ, ຫຼຽນເງິນ 10 ຫຼຽນ, ຫຼຽນທອງ 5 ຫຼຽນ. ໃນຈຳນວນນັ້ນ, ມີນັກຮຽນ 20 ຄົນສັງກັດຢູ່ບັນດາໂຮງຮຽນຂອງນະຄອນຮ່າໂນ້ຍ.
ກ່າວຄຳເຫັນທີ່ພິທີຕ້ອນຮັບ ແລະ ມອບໃບຍ້ອງຍໍ, ທ່ານ ຈືຊວນຢຸງ, ຫົວໜ້າພະແນກສຶກສາ ແລະ ບຳລຸງສ້າງນະຄອນຮ່າໂນ້ຍ ໄດ້ຍ້ອງຍໍບັນດາຜົນງານພົ້ນເດັ່ນຂອງຄະນະນັກຮຽນຫວຽດນາມ ເວົ້າລວມ ແລະ ຂອງນະຄອນຮ່າໂນ້ຍ ເວົ້າສະເພາະ. ທ່ານ ຈືຊວນຢຸງ ໄດ້ຕີລາຄາສູງວຽກງານສິດສອນ ແລະ ບຳລຸງສ້າງຂອງບັນດາໂຮງຮຽນ.
IMSO ແມ່ນການເສັງປະຈຳປີທີ່ສະຫງວນໃຫ້ນັກຮຽນອາຍຸຕ່ຳກວ່າ 13 ປີ. ເຂົ້າຮ່ວມການເສັງ IMSO 2018 ມີນັກຮຽນທັງໝົດ 400 ຄົນທີ່ມາຈາກ 22 ປະເທດ ແລະ ເຂດແຄ້ວນ.