ຜູ້ຕາງໜ້າອົງການ Friedrich Naumann ປະຈຳ ຫວຽດນາມ ກ່າວຄຳເຫັຍທີ່ກອງປະຊຸມ (ພາບ: TTXVN)

“ເຂດທາງທິດຕາເວັນຕົກພາກເໜືອ ຫວຽດນາມ ເຊື່ອມໂຍງເຂົ້າກັບສາກົນຢ່າງເລິກເຊິ່ງກ້ວາງຂວາງ ແລະ ພັດທະນາໃນສັງກາດດີຈີຕອນ: ບັນດາບັນຫາທີ່ໄດ້ວາງອອກສຳລັບທ້ອງຖິ່ນ, ວິສາຫະກິດ” ໂດຍເປັນຫົວຂໍ້ຂອງກອງປະຊຸມສຳມະນາໂດຍກະຊວງການຕ່າງປະເທດສົມທົບກັບຄະນະກຳມະການປະຊາຊົນ ແຂວງດ້ຽນບຽນ ຈັດຕັ້ງຂຶ້ນໃນວັນທີ 22 ສິງຫາ, ຢູ່ແຂວງດ້ຽນບຽນ.

        ກ່າວຄຳເຫັນທີ່ກອງປະຊຸມ, ທ່ານ ບຸ່ຍແທັງເຊີນ ຮອງລັດຖະມົນຕີກະຊວງການຕ່າງປະເທດເນັ້ນໜັກວ່າ:

        “ກອງປະຊຸມແນໃສ່ອັບເດດສະພາບການຂອງໂລກ, ບັນດາບັນຫາໃໝ່ໄດ້ວາງອອກໃຫ້ແກ່ການເຊື່ອມໂຍງເຂົ້າກັບສາກົນຂອງປະເທດຊາດ, ເປັນຕົ້ນແມ່ນໃນການປະຕິບັດບັນດາສັນຍາການຄ້າເສລີສະບັບໃໝ່, ເປີດກ້ວາງການພົວພັນເສດຖະກິດການຄ້າກັບຕະຫຼາດບັນດາປະເທດ ອາຊຽນ, ບັນດາຕະຫຼາດອ້ອນຂ້າງ ແລະ ໄກກ່ວາອີກເພື່ອຊ່ວຍໃຫ້ບັນດາທ້ອງຖິ່ນທີ່ຢູ່ທາງທິດຕາເວັນຕົກພາກເໜືອ ຫວຽດນາມ ກຳແໜ້ນ ແລະ ນຳໃຊ້ໃນຂໍ້ສະເໜີ, ກໍ່ສ້າງນະໂຍບາຍ ແລະ ຍຸດທະສາດພັດທະນາເສດຖະກິດສັງຄົມຂອງຕົນ. ດ້ວຍ 6 ຫົວເລື່ອງສະເພາະອັນແທດຈິງ ແລະ ບັນດາ ນັກບັນລະຍາຍທີ່ດີເດັ່ນ, ຂ້າພະເຈົ້າເຊື່ອໝັ້ນວ່າ ກອງປະຊຸມຈະບັນລຸໄດ້ປະສິດທິຜົນສູງ, ແລກປ່ຽນ, ຊອກຫາໄດ້ບັນດາມາດຕະການສຳຄັນເພື່ອຍົກສູງ ຄວາມສາມາດໃນການແກ້ງແຍ້ງ ຂອງທ້ອງຖິ່ນ, ວິສາຫະກິດບໍ່ພຽງແຕ່ຢູ່ຕະຫຼາດພາຍໃນປະເທດເທົ່ານັ້ນ, ຫາກຍັງແມ່ນຕ້ອງບືນຕົວອອກສູ່ພາກພື້ນ ແລະ ໂລກເພື່ອພັດທະນາແບບຍືນຍົງໃນໄລຍະຈະມາເຖິງອີກດ້ວຍ”

        ຜ່ານການປະກອບຄຳຄິດເຫັນຂອງບັນດາທ້ອງຖິ່ນຢູ່ກອງປະຊຸມ, ໃນໄລຍະຈະມາເຖິງກະຊວງການຕ່າງປະເທດຈະສືບຕໍ່ສົມທົບກັບບັນດາກະຊວງ, ຂະແໜງການ, ທ້ອງຖິ່ນຢູ່ບັນດາແຂວງທາງທິດຕາເວັນຕົກພາກເໜືອ ຢ່າງແໜ້ນແຟ້ນເພື່ອຍົກສູງປະສິດທິຜົນຂອງການເຊື່ອມໂຍງເຂົ້າກັບສາກົນ.