ສຳລັບຜະລິດຕະພັນເຂົ້າສານ, ອີຢູ ໄດ້ສະຫງວນໂກຕາໃຫ້ຫວຽດນາມ ແມ່ນ 80.000 ໂຕນ ດ້ວຍອັດຕາພາສີ 0%. ແລະ ເຂົ້າສານງວດທຳອິດໂດຍບໍລິສັດຫຸ້ນສ່ວນກະສິກຳເຕັກໂນໂລຊີສູງ ຈຸງອານ, ນະຄອນເກິນເທີ ສົ່ງໄປຂາຍໃຫ້ ອີຢູ ໃນເດືອນສິງຫາ 2020 ແມ່ນມີລາຄາ 1.000 USD/ໂຕນ.

        ທ່ານ ຟ້າມທ໊າຍບິ່ງ, ຜູ້ອຳນວຍການໃຫຍ່ບໍລິສັດຫຸ້ນສ່ວນກະສິກຳເຕັກໂນໂລຊີສູງ ຈຸງອານ, ໃຫ້ຮູ້ວ່າ.

        “ກ່ອນນີ້, ການສົ່ງອອກເຂົ້າສານໄປຍັງເອີລົບ ຕ້ອງເສຍພາສີແຕ່ 5 ຫາ 45%, ສະນັ້ນຍາກທີ່ຈະແກ່ງແຍ້ງໄດ້. ແຕ່ມາໃນປະຈຸບັນ, ພວກເຮົາໄດ້ສົ່ງອອກໄປຍັງຕະຫຼາດເອີລົບ ແມ່ນບໍ່ໄດ້ເສຍຄ່າພາສີ, ສິນຄ້າຂອງຫວຽດນາມ, ພິເສດແມ່ນຜະລິດຕະພັນກະເສດ, ທັນຍາຫານແມ່ນສາມາດແກ່ງແຍ້ງກັບບັນດາປະເທດອື່ນໄດ້.”