ເຊີດຊູ 100 ວິສາຫະກິດຍືນຍົງ ຫວຽດນາມ 2023
(VOVWORLD) - ຕອນຄ່ຳວັນທີ 13 ທັນວາ, ຢູ່ຮ່າໂນ້ຍ, ສະພາວິສາຫະກິດເພື່ອການພັດທະນາແບບຍືນຍົງ ຫວຽດນາມ ຂຶ້ນກັບ ສະຫະພັນການຄ້າ ແລະ ອຸດສາຫະກຳ ໄດ້ຈັດພິທີປະກາດວິສາຫະກິດຍືນຍົງ ຢູ່ ຫວຽດນາມ 2023.
 ພິທີປະກາດວິສາຫະກິດຍືນຍົງ ຢູ່ ຫວຽດນາມ 2023 (ພາບ: VTC) |
ນີ້ແມ່ນປີທີ 8 ຢ່າງລຽນຕິດ, ທີ່ລາຍການໄດ້ຈັດຂຶ້ນ ມີສຳເນົາເອກະສານວິສາຫະກິດ ເກືອບ 500 ຊຸດເຂົ້າຮ່ວມຈົດທະບຽນ ໃນນັ້ນມີ ເກືອບ 25% ແມ່ນບັນດາວິສາຫະກິດໃໝ່ເຂົ້າຮ່ວມຄັ້ງທຳອິດ. ທ່ານ ຟ້າມເຕິນກົງ, ປະທານ VCCI, ຫົວໜ້າຄະນະຊີ້ນຳໂຄງການ ໃຫ້ຮູ້ວ່າ:
ບັນດາວິສາຫະກິດນຳໜ້າ, ກ້າທົດສອບຕົນເອງ ບົນເສັ້ນທາງທີ່ບໍ່ງ່າຍດາຍ - ນັ້ນແມ່ນ ຂະບວນການສີຂຽວ, ຂະບວນການພັດທະນາແບບຍືນຍົງ, ສ້າງບັນດາມູນຄ່າແຫ່ງຄວາມຜາສຸກໃຫ້ແກ່ ສັງຄົມ ແລະ ຜູ້ອອກແຮງງານຂອງວິສາຫະກິດ. ພວກຂ້າພະເຈົ້າ ມີຄວາມມຸ່ງຫວັງວ່າ ຈະມີຫຼາຍວິສາຫະກິດໃໝ່ເຂົ້າຮ່ວມຂະບວນການດັ່ງກ່າວ ເພື່ອສ້າງປະຊາຄົມວິສາຫະກິດ ຍືນຍົງຢູ່ ຫວຽດນາມ. ເຂົາເຈົ້າຈະແມ່ນນັກການທູດ ສົ່ງສານທີ່ວ່າ ວິສາຫະກິດ ຫວຽດນາມ ພວມຫັນປ່ຽນຢ່າງແຮງກ່ຽວກັບຄວາມສະເໝີພາບ, ຄວາມຍຸຕິທຳສັງຄົມ, ວັດທະນາຖາວອນ ແລະ ກວມລວມ ອອກໄປສູ່ທົ່ວໂລກ.