ທ່ານ ຫງວຽນວັນບິ່ງ ແລະ ທ່ານ ທ່າວຊວັນສຸ່ງ ມອບໃບຍ້ອງຍໍ ໃຫ້ແກ່ຊາວກະສິກອນ ຫວຽດນາມດີເດັ່ນໃນປີ 2020 (ພາບ: baodansinh.vn )

ຕອນຄ່ຳວັນທີ 13 ຕຸລາ, ເນື່ອງໃນໂອກາດສະເຫຼີມສະຫຼອງ 90 ປີແຫ່ງວັນສ້າງຕັ້ງສະມາຄົມຊາວກະສິກອນ ຫວຽດນາມ, ສູນກາງສະມາຄົມຊາວກະສິກອນຫວຽດນາມໄດ້ເປັນເຈົ້າພາບສົມທົບກັບຄະນະໂຄສະນາ ສຶກສາສູນກາງພັກ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ, ກະຊວງອຸດສາຫະກຳ ແລະ ການຄ້າ ຫວຽດນາມຈັດຕັ້ງພິທີເຊີດຊູ ແລະ ມອບລາງວັນຊາວກະສິກອນ ຫວຽດນາມດີເດັ່ນປີ 2020. ກ່າວຄຳເຫັນທີ່ພິທີ, ທ່ານ ທ່າວຊວັນຊຸ່ງ, ປະທານສູນກາງສະມາຄົມຊາວກະສິກອນ ຫວຽດນາມ ເນັ້ນໜັກວ່າ:

        ເຊີດຊູຊາວກະສິກອນ ຫວຽດນາມ ດີເດັ່ນແມ່ນ ເຊີດຊີ ຄຸນງາມຄວາມດີ, ຄວາມເກັ່ງກ້າສາມາດ, ການປະດິດຄິດສ້າງ ຂອງຊາວກະສິກອນ ເຊິ່ງໄດ້ອຸທິດສ່ວນຕົນເອງເພື່ອພາລະກິດພັດທະນາກະສິກຳ, ສ້າງຊົນນະບົດໃໝ່, ສ້າງຊົນຊັ້ນຊາວກະສິກອນ ຫວຽດນາມ ມຫ້ມີຄວາມໝັ້ນຄົງເຂັ້ມແຂງໃນພາລະກິດສ້າງສາ ແລະ ປົກປັກຮັກສາ ປະເທດຊາດ ຫວຽດນາມ. ພ້ອມທັງສ້າງກຳລັງແຜ່ຂະຫຍາຍຢ່າງແຮງກ່ຽວກັບ “ແບບຢ່າງຊາວກະສິກອນລຸ້ນໃໝ່”.

        ຊາວກະສິກອນດີເດັ່ນ 63 ຄົນ ທີ່ໄດ້ຮັບການເຊີດຊູໃນປີນີ້ແມ່ນ ບັນດາແບບຢ່າງດີເດັ່ນກ່ຽວກັບການຜະລິດກະສິກຳ - ປ່າໄມ້ - ການປະມົງຂອງຫວຽດນາມ ດ້ວຍຫຼາຍຮູບການດີເດັ່ນທີ່ມີລາຍຮັບສູງ. ຊາວກະສິກອນສ່ວນຫຼາຍລ້ວນແຕ່ມີກຳໄລແຕ່ 1 ຕື້ ດົ່ງ (ປະມານ 43 ພັນ USD) ຕໍ່ປີ ຂຶ້ນໄປ.