(vovworld) - ວັນ​ທີ 22/2, ຢູ່​ເມືອງ ກິມ​ເຊີນ, ​ແຂວງ ນີງບິ່ງ, ​ໄດ້​ດຳ​ເນີນ​ພິທີ​ເຊີດ​ຊູ​ການ​ກະທຳ​ອັນ​ສູງສົ່ງຂອງ​ຜູ້​ບໍລິຈາກ​ແກ້ວຕາ, ​ເພື່ອ​ແນ​ໃສ່​ຕອບ​ບູນ​ແທນ​ຄຸນ​ບັນດາ​ຜູ້​ບໍລິຈາກ​ແກ້ວຕາ ​ແລະ ຍ້ອງຍໍ​ຊົມ​ເຊີຍ​ຂະ​ບວນການ​ຂົນຂວາຍ​ຜູ້​ບໍລິຈາກ​​ແກ້ວ​ຕາ. ກ່າວ​ຄຳ​ເຫັນ​ນະ​ທີ່​ນີ້, ທ່ານ​ນາງ​ຮອງ​ປະທານ​ປະ​ເທດ ຫວຽດນາມ ຫງວຽນ​ທິຢວານ ຂໍ​ສະ​ແດງ​ຄວາມ​ຂອບ​ອົບ​ຂອບ​ໃຈ​ບັນດາ​ຜູ້​ບໍລິຈາກ​ແກ້ວຕາ ​ແລະ ຄອບ​ຄົວ​ໄດ້​ປະກອບສ່ວນ​ສ່ວນໜຶ່ງ​​ໃນ​ຮ່າງກາຍ​ຂອງ​ຕົນ ​ເພື່ອນຳ​ມາ​ເຊິ່ງສຸ​ຂະ​ພາບ​ໃຫ້​ແກ່​ຜູ້​ອື່ນ, ​​ໂດຍ​ຮັບ​ຮູ້​ຕໍ່ການ​ປະກອບສ່ວນ​ຂອງ​ບັນດາ​ອົງການ​ຈັດ​ຕັ້ງ​ມະຫາຊົນ, ອົງການສາສະໜາ​ຕ່າງໆ, ອຳ​ນາດການ​ປົກຄອງ​ທຸກ​ຂັ້ນ​ໄດ້​ສະໜັບສະ​ໜູນ, ປຸກລະດົມ​ຂະ​ບວນການ​ບໍ່​ພຽງ​ແຕ່​ມີ​ຄວາມ​ໝາຍ​ດ້ານ​ສຸ​ຂະ​ພາບ​ເທົ່າ​ນັ້ນ ຫາກ​ຍັງສະ​ແດງ​ໃຫ້​ເຫັນຄວາມ​ສາມັກຄີ, ຮັກ​ແພງ​ມະນຸດ​ຂອງ​ຊາວ ຫວຽດນາມ ອີ​ກດ້ວຍ. ທ່ານ​ນາງ​ຮອງ​ປະທານ​ປະເທດ ຫງວຽນ​ທິຢວານ ສະ​ເໜີ​ວ່າ: ​ໃນ​ໄລຍະ​ຈະ​ມາ​ເຖິງ, ກະຊວງ​ສາທາລະນະ​ສຸກ ສືບ​ຕໍ່​ທະວີຄູນ​ຂະ​ບວນການ​ບໍລິຈາກ ​ແກ້ວຕາ​ຢູ່​ເມືອງ ກິ​ມ​ເຊີນ, ​ແຂ​ວງ ນີງບິ່ງ ອອກ​ສູ່​ທ້ອງ​ຖີ່​ນຕ່າງໆ​ໃນ​ທົ່ວ​ປະ​ເທດ, ພ້ອມ​ທັງ​ເປີດ​ກ້ວາງ​ການ​ຂົນຂວາຍ​ປະຊາຊົນ​ເຂົ້າ​ຮ່ວມ​ການ​ບໍລິຈາກ ພາກສ່ວນ​ໜຶ່ງ​ຂອງ​ຮ່າງກາຍ​ຄື​ບໍລິຈາກ​ໝາກ​ໄຂ່ຫຼັງ, ຕັບ.​.​.

    ທີ່​ພິທີ, ກະຊວງ​ສາທາລະນະ​ສຸກ ​ໄດ້​ມອບ​ໃບ​ຍ້ອງຍໍ​ໃຫ້​ໂຮງໝໍ​ຕາ​ສູນ​ກາງ, ຄະນະ​ກຳມະການ​ປະຊາຊົນ​ເມືອງ ກິມ​ເຊີນ ພ້ອມ​ກັບ​ບັນດາ​ບຸກຄົນ​ມີ​ຜົນງານ​ດີ​ເດັ່ນ​ໃນ​ຂະ​ບວນການ​ບໍລິຈາກ​ແກ້ວຕາ, ​ພ້ອມ​ທັງເຊີດ​ຊູ 16 ຄອບ​ຄົວ​ມີ​ຜູ້​ບໍລິຈາກ​ແກ້ວຕາ.