ການປະຊຸມຂ່າວປະກາດກ່ຽວກັບງານບຸນ

ງານບຸນວັດທະນະທຳ, ກິລາ ແລະ ທ່ອງທ່ຽວບັນດາຊົນເຜົ່າຢູ່ດົງບັກ ຄັ້ງທີ 10 (ເຊິ່ງແມ່ນເຂດທາງທິດຕາເວັນອອກສ່ຽງເໜືອ) ດ້ວຍຫົວຂໍ້ວ່າ “ອະນຸລັກຮັກສາ, ເສີມຂະຫຍາຍສີສັນວັດທະນະທຳຂອງບັນດາຊົນເຜົ່າເຂດດົງບັກໃນໄລຍະແຫ່ງການປ່ຽນແປງໃໝ່ - ການເຊື່ອມໂຍງ ແລະ ພັດທະນາປະເທດແບບຍືນຍົງ”, ຈະດຳເນີນແຕ່ວັນທີ 2 – 4 ພະຈິກ ຢູ່ນະຄອນ ຫວີງອຽນ, ແຂວງ ຫວີງຟຸກ. ງານບຸນມີການເຂົ້າຮ່ວມຂອງນັກສິລະປະການ, ນັກສິລະປິນ, ນັກສະແດງ, ນັກດົນຕີ, ນັກກິລາມະຫາຊົນກ່ວາ 1.000 ຄົນເຊິ່ງເປັນພໍ່ແມ່ປະຊາຊົນບັນດາເຜົ່າຂອງ 10 ແຂວງ (ຫວີງຟຸກ, ບັກກ້ານ, ຮ່າຢາງ, ຕວຽນກວາງ, ກາວບັ່ງ, ທ໋າຍງວຽນ, ລ້າງເຊີນ, ບັກຢາງ, ກ໋ວາງນີງ ແລະ ແທັງຮ໋ວາ).

        ນີ້ເປັນຄັ້ງທຳອິດທີ່ແຂວງ ຫວີງຟຸກ ເປັນເຈົ້າພາບຈັດຕັ້ງງານບຸນເພື່ອແນໃສ່ເຊີດຊູບັນດາຄຸນຄ່າວັດທະນະທຳມູນເຊື້ອທີ່ເປັນເອກະລັກສະເພາະຂອງບັນດາຊົນເຜົ່າດົງບັກ ໃນພື້ນຖານວັດທະນະທຳເປັນເອກະພາບ, ຫຼາຍຮູບຫຼາຍສີຂອງປະຊາຄົມ 54 ຊົນເຜົ່າ ຫວຽດນາມ. ວັນບຸນກໍ່ແມ່ນໂອກາດເພື່ອໃຫ້ບັນດາ ນັກສິລະປະການ, ນັກສິລະປິນ, ນັກສະແດງ, ນັກດົນຕີ, ນັກກິລາມະຫາຊົນໄດ້ພົບປະ, ແລກປ່ຽນບົດຮຽນ, ຍົກສູງສະຕິ, ຄວາມຮັບຮູ້ໃນການອະນຸລັກຮັກສາ, ເສີມຂະຫຍາຍບັນດາຄຸນຄ່າວັດທະນະທຳທີ່ເປັນມູນເຊື້ອຂອງບັນດາເຜົ່າ ດົງບັກ ໃນໄລຍະໃໝ່ຂອງປະເທດຊາດ, ເພີ່ມທະວີກຸ່ມກ້ອນມະຫາສາມັກຄີຂອງຊາດ ຫວຽດນາມ.