ທ່ານຫງວຽນ​ຊວນ​ຟຸກ ​ເຂົ້າ​ຮ່ວມ​ພິທີ​ເຊີດ​ຊູ​ສະຫະກອນ,
ໜ່ວຍ​ງານ​ຜະລິດ​ດີ​ເດັ່ນ ​ແລະ ຊາວ​ກະສິກອນທີ່​ມີ​ການປະດິດ​​ຄິດສ້າງ, ຂໍ້​ລິ້​ເລີ່​ມປີ 2016
(ພາບ: TTXVN)

(vovworld) - ຕອນ​​ຄ່ຳ​ວັນ​ທີ 13/11, ຢູ່​ຮ່າ​ໂນ້ຍ, ທ່ານ​ນາຍົກລັດຖະມົນຕີ ຫວຽນ​ດາມ ຫງວຽນ​ຊວນ​ຟຸກ ​ເຂົ້າ​ຮ່ວມ​ພິທີ​ເຊີດ​ຊູ​ສະຫະກອນ, ໜ່ວຍ​ງານ​ຜະລິດ​ດີ​ເດັ່ນ ​ແລະ ຊາວ​ກະສິກອນທີ່​ມີ​ການປະດິດ​​ຄິດສ້າງ, ຂໍ້​ລິ້​ເລີ່​ມປີ 2016, ທ່ານ​ນາຍົກລັດຖະມົນຕີ ຫງວຽນ​ຊວນ​ຟຸກ, ທ່ານ​ປະທານ​ຄະນະ​ກຳມະການ​ສູນ​ກາງ​ແນວ​ໂຮມ​ປະ​ເທດ​ຊາດ ຫວຽດນາມ ຫງວຽນທ້ຽນ​ເຍີນ ​ແລະ ການ​ນຳ​ບັນດາ​ກະຊວງ, ຂະ​ແໜງ​ການ​ໄດ້​ມອບ​ ​ສັນຍາ​ລັກ​ເຊີດ​ຊູ​ສະຫະກອນ ​ແລະ ໜ່ວຍ​ງານຜະລິດ 51 ​ແຫ່ງ ​ແລະ ຊາວ​ກະສິກອນ​ທີ່​ດີ​ເດັ່ນ 17 ຄົນ.

        ກ່າວ​ຄຳ​ເຫັນ​ທີ່​ພິທີ, ທ່ານ ຫງວຽນ​ຊວນ​ເກືອ​ງ ລັດຖະມົນຕີ​ກະຊວງກະສິກຳ ​ແລະ ພັດທະນາ​ຊົນນະບົດ ​ໃຫ້​ຮູ້​ວ່າ: ພິທີ​ເຊີດ​ຊູ​​ໄດ້ຖືກ​ຈັດ​ຕັ້ງກົງ​ກັບ​ໂອກາດ​ສະ​ເຫຼີ​ມສະຫຼອງ 71 ປີ​ແຫ່ງ​ວັນ​ມູນ​ເຊື້ອ​ຂະ​ແໜງ​ກະສິກຳ ​ແລະ ພັດທະນາ​ຊົນນະບົດ (14/11/1945 – 14/11/2016) ​ແມ່ນ​ຄວາມ​ຮັບ​ຮູ້​ຂອງ​ກະຊວງ, ຂະ​ແໜງ​ການ​ກ່ຽວ​ກັບ​ບົດບາດ​ຂອງ​ສະຫະກອນ, ໜ່ວຍ​ງານ​ຜະລິດ ​ແລະ ຊາວ​ກະສິກອນ​ໃນ​ວິວັດ​ການ​ສ້າງ​ໂຄງ​ປະກອບ​ກະສິກຳ ​ແລະ ກໍ່ສ້າງ​ຊົນນະບົດ​ໃໝ່​. ກະຊວງ​ຈະ​ພ້ອມ​ກັບ​ບັນດາ​ທ້ອງ​ຖິ່ນ ສືບ​ຕໍ່​ເລືອກ​​ເຟັ້ນ ​ແລະ ​ເຊີດ​ຊູ​ບັນດາ​ສະຫະກອນ, ໜ່ວຍງານ​ຜະລິດ, ຊາວ​ກະສິກອນ​ດີ​ເດັ່ນ ​ນັບທັງ​ບັນດາ​ວິ​ສາ​ຫະກິດ ​ທີ່ມີ​ການ​ປະກອບສ່ວນ​ອັນ​ໃຫຍ່​ຫລວງ​ເຂົ້າ​ໃນ​ການ​ພັດທະນາ​ຂອງ​ກະສິກຳ​ຊົນນະບົດ.