ເນື້ອທີ່ປູກກ້ວຍອົງຄະທາດ ຢູ່ເມືອງ ດັກດວາ, ຢາລາຍ (ພາບ: TTXVN)

ນັບແຕ່ວັນທີ 18 – 25 ມີນາ, ຄະນະວິສາຫະກິດ, ສະຫະກອນ, ສະຫະສະມາຄົມກະສິກຳອົງຄະທາດ ຫວຽດນາມ 19 ແຫ່ງ ແລະ ບັນດາການຈັດຕັ້ງບຳລຸງສ້າງກ່ຽວກັບກະສິກຳອົງຄະທາດ ຂອງ ຫວຽດນາມ ຈະເດີນທາງໄປຍັງ ອົດສະຕາລີ ເພື່ອພົບປະແບບເຊິ່ງໜ້າກັບວິສາຫະກິດນຳເຂົ້າ ແລະ ຜູ້ບໍລິໂພກຜະລິດຕະພັນກະເສດອົງຄະທາດ ຫວຽດນາມ ຢູ່ ອົດສະຕາລີ ເພື່ອແນະນຳ, ໂຄສະນາເຄື່ອງໝາຍການຄ້າຜະລິດຕະພັນກະເສດອົງຄະທາດ ຫວຽດນາມ ຢູ່ຕະຫຼາດ ອົດສະຕາລີ.

        ວັນທີ 18 ມີນາ, ດ້ວຍການເຂົ້າຮ່ວມຂອງວິສາຫະກິດນຳເຂົ້າຫຼາຍແຫ່ງຢູ່ນະຄອນ Sydney, ຄະນະວິສາຫະກິດ ຫວຽດນາມ ຈະແນະນຳກ່ຽວກັບຈຸດທີ່ເປັນເອກະລັກສະເພາະຂອງຂະແໜງກະສິກຳອົງຄະທາດ ຫວຽດນາມ ກໍຄື ໂຄສະນາຄວາມແຊບນົວຂອງຜະລິດຕະພັນກະເສດອົງຄະທາດ ຫວຽດນາມ. ຫຼາຍຜະລິດຕະພັນອົງຄະທາດຕົວຢ່າງທີ່ໄດ້ຜະລິດຢູ່ ຫວຽດນາມ ກໍຈະໄດ້ນຳມາວາງສະແດງໃນເຫດການດັ່ງກ່າວ. ການເຄື່ອນໄຫວນີ້ ກໍຈະໄດ້ຈັດຂຶ້ນຢູ່ນະຄອນ Bairnsdale ແລະ ນະຄອນ Melbourne ຂອງ ລັດ Victoria ໃນວັນທີ 23 ແລະ 25 ມີນາ ຕາມລຳດັບ.