ຄະນະຜູ້ແທນລັດອົດສະຕາລີຕາເວັນຕົກ, ການຢ້ຽມຢາມ ແລະ ເຮັດວຽກຢູ່ນະຄອນໂຮ່ຈິມິນ

ຕອນບ່າຍວັນທີ 22 ເມສາ, ທ່ານຮອງປະທານຜູ້ປະຈຳການຄະນະກຳມະການປະຊາຊົນນະຄອນໂຮ່ຈິມິນ ເລແທັງລຽມ ໄດ້ໃຫ້ການຕ້ອນຮັບທ່ານ Peter Tinley, ລັດຖະມົນຕີກະຊວງເຄຫະສະຖານ, ບັນດາບັນຫານັກຮົບເກົ່າ, ຊາວໜຸ່ມ ແລະ ຮ່ວມສຳພັນອາຊຽນ ຂອງລັດອົດສະຕາລີຕາເວັນຕົກ, ພ້ອມກັບຄະນະຜູ້ແທນລັດອົດສະຕາລີຕາເວັນຕົກ, ພວມມີການຢ້ຽມຢາມ ແລະ ເຮັດວຽກຢູ່ນະຄອນໂຮ່ຈິມິນ. ຢູ່ທີ່ນີ້, ທ່ານ ເລແທັງລຽມ ແບ່ງປັນວ່າ: ຫວຽດນາມ ໄດ້ສ້າງຕັ້ງສະຖານກົງສູນໃຫຍ່ປະຈຳນະຄອນ Perth ຂອງລັດອົດສະຕາລີຕາເວັນຕົກ, ນີ້ແມ່ນຂົວເຊື່ອມຕໍ່ຕັ້ງໜ້າ ແລະ ມີປະສິດທິຜົນເພື່ອຊຸກຍູ້ການພົວພັນຮ່ວມມືລະຫວ່າງນະຄອນໂຮ່ຈິມິນ ແລະ ລັດອົດສະຕາລີຕາເວັນຕົກ. ທ່ານເລແທັງລຽມ ປາດຖະໜາວ່າ, ລັດອົດສະຕາລີຕາເວັນຕົກ ຈະສືບຕໍ່ສ້າງເງື່ອນໄຂໃຫ້ແກ່ປະຊາຄົມຊາວຫວຽດນາມ ພວມອາໄສຢູ່ທີ່ນີ້. ສ່ວນທ່ານ Peter Tinley ໃຫ້ຮູ້ວ່າ, ລັດອົດສະຕາລີຕາເວັນຕົກ ມີທ່າແຮງໃນຂົງເຂດນ້ຳມັນອາຍແກັດ, ກະສິກຳ… ແລະ ພ້ອມແລ້ວທີ່ຈະຮ່ວມມືກັບບັນດາອົງການ, ທ້ອງຖິ່ນຂອງຫວຽດນາມ, ໃນນັ້ນມີນະຄອນໂຮ່ຈິມິນ. ຢືນຢັນວ່າ ລັດອົດສະຕາລີຕາເວັນຕົກ ຍາມໃດກໍ່ຈະສ້າງເງື່ອນໄຂສະດວກໃຫ້ປະຊາຄົມຊາວຫວຽດນາມ ກໍ່ຄືບັນດາປະຊາຄົມອື່ນໆທີ່ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ລັດນີ້.