(ພາບປະກອບ)
(vovworld) - ຕອນເຊົ້າວັນທີ 18/01, ຢູ່ຮ່າໂນ້ຍ, ກົມໃຫຍ່ສອນວິຊາຊີບ, ກະຊວງແຮງງານ - ທະຫານເສຍອົງຄະ ແລະ ສັງຄົມ ຈັດຕັ້ງກອງປະຊຸມສຳມະນາ ເຊື່ອມໂຍງ ອາຊຽນ ໃນຂົງເຂດກໍ່ສ້າງວິຊາຊີບ - ກາລະໂອກາດ ແລະ ສິ່ງທ້າທາຍ. ກອງປະຊຸມສຳມະນາໃຫ້ຂໍ້ສັງເກດວ່າ ວັນທີ 31/12/2015, ກຸ່ມ ອາຊຽນ ໄດ້ສ້າງຕັ້ງເປັນສະມາຄົມ “ເປັນເອກະພາບໃນຫລາຍຮູບຫລາຍແບບ”, ດ້ວຍ 3 ເສົາຄ້ຳຕົ້ນຕໍແມ່ນ ປະຊາຄົມການເມືອງ - ຄວາມໝັ້ນຄົງ (APSC); ປະຊາຄົມ ເສດຖະກິດ (AEC) ແລະ ປະຊາຄົມວັດທະນະທຳ - ສັງຄົມ (ASCC). ດ້ວຍການສ້າງຕັ້ງປະຊາຄົມ ອາຊຽນ, ການກໍ່ສ້າງວິຊາຊີບກໍ່ຄືຫລາຍຂົງເຂດອື່ນໆຢູ່ ຫວຽດນາມ ຈະມີກາລະໂອກາດສະດວກຫລາຍຢ່າງກ່ວາ ເພື່ອພັດທະນາ ພ້ອມທັງກໍ່ຕ້ອງປະເຊີນໜ້າກັບສິ່ງທ້າທາຍ ແລະ ຄວາມຫຍຸ້ງຍາກຫລາຍຢ່າງ. ຕາມຜູ້ແທນຫລາຍທ່ານແລ້ວ, ເພື່ອກະກຽມມຸ່ງໄປເຖິງການເຊື່ອມໂຍງເຂົ້າກັບ ອາຊຽນ, ສາກົນໄລຍະ 2016 – 2020, ການສຶກສາກໍ່ສ້າງວິຊາຊີບ ຫວຽດນາມ ຄວນກໍ່ສ້າງໃໝ່ລະດັບວິທະຍາໄລ, ອາຊີວະຊັ້ນກາງ…