(VOVWORLD) - ສະພາບການຈົດທະບຽນວິສາຫະກິດໃນເດືອນ ມັງກອນ ປີ 2021 ມີຄວາມຟົດຟື້ນຫຼາຍຂຶ້ນ ເມື່ອຈຳນວນວິສາຫະກິດຈົດທະບຽນສ້າງຕັ້ງໃໝ່ເພີ່ມຂຶ້ນ ນັບທັງດ້ານຈຳນວນ ແລະ ທຶນຈົດທະບຽນ.
 (ພາບປະກອບ: baodantri.com.vn) |
ຕາມນັ້ນແລ້ວ, ໃນເດືອນ ມັງກອນ ປີ 2021, ທົ່ວປະເທດມີວິສາຫະກິດເກືອບ 10.100 ແຫ່ງ ໄດ້ຮັບການສ້າງຕັ້ງໃໝ່ ດ້ວຍຈຳນວນທຶນຈົດທະບຽນຫຼາຍກວ່າ 155.000 ຕື້ດົ່ງ ແລະ ຈຳນວນແຮງງານຈົດທະບຽນ ຫຼາຍກວ່າ 116.000 ຄົນ, ເພີ່ມຂຶ້ນເກືອບ 22% ເມື່ອທຽບໃສ່ຈຳນວນວິສາຫະກິດຂອງໄລຍະດຽວກັນຂອງປີ 2020.
ວິສາຫະກິດສ້າງຕັ້ງໃໝ່ນັ້ນ ສ່ວນຫຼາຍແມ່ນເຄື່ອນໄຫວໃນຂົງເຂດ ຂາຍສົ່ງຂາຍຍ່ອຍ, ສ້ອມແປງລົດໂອໂຕ, ລົດຈັກ; ອຸດສາຫະກຳປຸງແຕ່ງ, ປະດິດສ້າງ; ກໍ່ສ້າງ; ວິທະຍາສາດເຕັກໂນໂລຢີ; ການຂົນສົ່ງ, ເດີ່ນສາງ, ສາທາລະນະສຸກ ແລະ ການເຄື່ອນໄຫວໜູນຊ່ວຍສັງຄົມ….