ຕອນບ່າຍວັນທີ 18 ທັນວາ, ຢູ່ສູນກະຈາຍສຽງແຫ່ງຊາດ, ເຮືອນເລກທີ 58 ກວ໊ານສື໊, ຮ່າໂນ້ຍ, ວິທະຍຸກະຈາຍສຽງຫວຽດນາມ (VOV) ໄດ້ຈັດຕັ້ງພິທີເປີດຕົວລາຍການກະຈາຍສຽງພາກພາສາ ເກົາຫຼີ (VOV Korean). ເຂົ້າຮ່ວມພິທີມີທ່ານ ເລຮວ່າຍຈູງ, ຮອງລັດຖະມົນຕີການຕ່າງປະເທດຫວຽດນາມ, ທ່ານ Kim Dohyun ເອກອັກຄະລັດຖະທູດຜູ້ມີອໍານາດເຕັມແຫ່ງ ສ.ເກົາຫຼີ ປະຈໍາຫວຽດນາມ ພ້ອມດ້ວຍຜູ້ແທນບັນດາກະຊວງ, ຂະແໜງການ, ຜູ້ຕາງໜ້າສະມາຄົມຊາວ ເກົາຫຼີ ອາໄສ ຢູ່ຫວຽດນາມ.

ບັນດາຜູ້ແທນເຂົ້າຮ່ວມພິທີ

ມາຮອດຈຸເວລານີ້, ລາຍການກະຈາຍສຽງພາກພາສາເກົາຫຼີ ເປັນຊ່ອງສື່ສານສະເພາະດ້ວຍພາສາເກົາຫຼີ ທີ່ມີໜຶ່ງດຽວຢູ່ຫວຽດນາມ. ໃນປັດຈຸບັນ, ສື່ເອເລັກໂຕນິກດ້ວຍພາສາ ເກົາຫຼີ ໄດ້ລົງໃນເວັບໄຊ vovworld.vn  ຂອງວິທະຍຸກະຈາຍສຽງຫວຽດນາມ ມາແຕ່ວັນທີ 15 ມີນາ 2018, ອັນໄດ້ຊ່ວຍໃຫ້ VOV ຢັ້ງຢືນທີ່ຕັ້ງບົດບາດ ແມ່ນຊ່ອງຂໍ້ມູນຂ່າວສານດ້ວຍພາສາຕ່າງປະເທດຫຼາຍທີ່ສຸດ ຢູ່ ຫວຽດນາມ.

ທ່ານ ຫງວຽນເຖ໊ກີ໋, ຜູ້ອໍານວຍການໃຫຍ່ VOVກ່າວຄໍາເຫັນທີ່ພິທີ

ກ່າວຄໍາເຫັນທີ່ພິທີ, ທ່ານ ຫງວຽນເຖ໊ກີ໋, ຜູ້ອໍານວຍການໃຫຍ່ VOV, ໃຫ້ຮູ້ວ່າ:“

        “ການສ້າງຕັ້ງສື່ເອເລັກໂຕນິກ ແລະ ລາຍການກະຈາຍສຽງພາກພາສາເກົາຫຼີ ໄດ້ສະແດງອອກໃຫ້ເຫັນຫຼາຍສິ່ງຫຼາຍຢ່າງ. ທີໜຶ່ງແມ່ນ, ສະແດງໃຫ້ເຫັນການຖືເປັນສໍາຄັນການພົວພັນລະຫວ່າງຫວຽດນາມ - ສ.ເກົາຫຼີ ຂອງ ວິທະຍຸກະຈາຍສຽງຫວຽດນາມ ເວົ້າສະເພາະ ແລະຫວຽດນາມເວົ້າລວມ. ທີສອງແມ່ນ, ສະແດງໃຫ້ເຫັນການພັດທະນາ ແລະ ຄວາມສໍາຄັນຂອງການພົວພັນລະຫວ່າງຫວຽດນາມ - ສ.ເກົາຫຼີ ໃນຫຼາຍດ້ານ.  ທີສາມແມ່ນ ຊີ້ໃຫ້ເຫັນວິໄສທັດຂອງ VOV ສໍາລັບຍຸດທະສາດພັດທະນາຂອງ VOV ໃນສະພາບທີ່ໂລກພວມດໍາເນີນການປະຕິວັດອຸດສາຫະກໍາ 4.0 ຢ່າງແຮງ ດ້ວຍຫຼາຍມາດຕະການ, ຫຼາຍມູມມອງໃໝ່; ການພົວພັນສາກົນ ແລະ ວິທີການພົວພັນສາກົນມີການປ່ຽນແປງຫຼາຍຢ່າງ. ທີສີ່ແມ່ນ ຊ່ວຍໃຫ້ ສ້າງວິທີການສັງເກດແບບໃໝ່ ກ່ຽວກັບການຖະແຫຼງຂ່າວໃຫ້ຕ່າງປະເທດ ແລະໄດ້ຮັບຖືວ່າ ແມ່ນພື້ນຖານໃຫ້ແກ່ການປ່ຽນແປງໃໝ່ບັນດາລາຍການຂອງພະແນກ ກະຈາຍສຽງບັນດາພາສາຕ່າງປະເທດໃນອະນາຄົດ. ທີຫ້າແມ່ນ ພະຍານຫຼັກຖານໃຫ້ແກ່ບັນດາລາຍການຂອງພະແນກກະຈາຍສຽງບັນດາລາຍການພາກພາສາຕ່າງປະເທດ ເວົ້າສະເພາະ ແລະ VOV ເວົ້າລວມ”.

        ລາຍການກະຈາຍສຽງພາກພາສາ ເກົາຫຼີ ໄດ້ອອກອາກາດ ທຸກວັນ ໃນຄວາມຖີ່ FM 105.5 MHz ຂອງ VOV, ໃນ 3 ຊ່ວງເວລາ ແຕ່ 7 ໂມງ - 8 ໂມງ; 18 ໂມງ - 19 ໂມງ ແລະ 23 ໂມງ - 24 ໂມງ ແລະ ສາມາດຟັງອອນລາຍໃນເວັບໄຊ vovworld.vn. ເນື້ອໃນຂອງລາຍການກະຈາຍສຽງ ລວມມີ: ລາຍການຂ່າວ, ບົດວິເຄາະສະຖານະການການເມືອງ, ສອນພາສາເກົາຫຼີ ແລະ ພາສາຫວຽດ, ແນະນໍາກ່ຽວກັບວັດທະນະທໍາ, ຊົນເຜົ່າ, ການທ່ອງທ່ຽວ, ເສດຖະກິດ ແລະອື່ນໆ.