ເປີດລາຍການທ່ອງທ່ຽວປອດໄພ - ລາຍການທ່ຽວຊົມ “ສະຖາປັດຕະຍາກຳ ຝລັ່ງ ຢູ່ໃຈກາງນະຄອນ ຮ່າໂນ້ຍ”
(VOVWORLD) - ວັນທີ 23 ຕຸລາ 2021, ຫໍພິພິທະພັນປະຫວັດສາດແຫ່ງຊາດ ໄດ້ສົມທົບກັບບໍລິສັດທ່ອງທ່ຽວ Hanoitourist ຈັດຕັ້ງພິທີເປິດສະຫຼອງລາຍການທ່ຽວຊົມ “ສະຖາປັດຕະຍາກຳ ຝລັ່ງ ຢູ່ໃຈກາງນະຄອນ ຮ່າໂນ້ຍ”.
 (ພາບປະກອບ: ກົມໃຫຍ່ທ່ອງທ່ຽວ ຮ່າໂນ້ຍ) |
ເພື່ອຮັບປະກັນຄວາມປອດໄພໃນການປ້ອງກັນ, ຕ້ານໂລກລະບາດໂຄວິດ - 19, ນັກທ່ອງທ່ຽວແຕ່ລະຄະນະຈະມີຈຳນວນບໍ່ເກີນ 10 ຄົນ ແລະ ຮັກສາໄລຍະຫ່າງ ແລະ ສຳຜັດຕໍ່ກັນ. ພາຍຫຼັງພິທີເປີດສະຫຼອງ, ລາຍການທ່ອງຊົມ “ສະຖາປັດຕະຍາກຳ ຝລັ່ງ ຢູ່ໃຈກາງນະຄອນ ຮ່າໂນ້ຍ” ຈະສືບຕໍ່ຖືກຈັດຂຶ້ນໃນມື້ວັນເສົາ ແລະ ວັນອາທິດຂອງທຸກໆອາທິດ ນັບແຕ່ວັນທີ 23 ຕຸລາ ເປັນຕົ້ນໄປ.
ນີ້ແມ່ນລາຍການທ່ອງທ່ຽວປອດໄພທຳອິດທີ່ໄດ້ຮັບການເປີດສະຫຼອງໃນເງື່ອນໄຂປົກກະຕິໃໝ່ ແລະ ຖືກຈັດຂຶ້ນຕາມຮູບການປະສານສົມທົບລະຫວ່າງການທ່ອງທ່ຽວແບບເກົ່າ (ແບບມີຜູ້ນຳທ່ຽວ) ກັບການນຳໃຊ້ໂປຼແກຼມນຳທ່ຽວແບບອັດຕະໂນມັດ (Audio Guide), ແຂກທ່ອງທ່ຽວ ສາມາດດາວໂຫຼດໂປຼແກຼມ, ຄົ້ນຫາກ່ຽວກັບ 92 ເນື້ອໃນ, ວັດຖຸພັນທີ່ໄດ້ວາງສະແດງໃນຫໍພິພິທະພັນປະຫວັດສາດແຫ່ງຊາດ.
ຢູ່ທີ່ນີ້ກໍໄດ້ແນະນຳຜະລິດຕະພັນພາກລາຍການແບບອັດຕະໂນມັດ ຢູ່ຫໍພິທິທະພັນປະຫວັດສາດແຫ່ງຊາດ, ທີ່ເຮືອນເລກທີ 1 ຖະໜົນ ຈ່າງຕຽນ, ຮ່າໂນ້ຍ.