(vovworld) - ຕອນ​ເຊົ້າ​ວັນ​ທີ 5/9, ພິທີ​ເປີດ​ສົກຮຽນ​ໃໝ່​ຖືກ​ດຳ​ເນີນ​ຢູ່​ຫຼາຍ​ທ້ອງ​ຖີ່​ນ​ໃນ​ທົ່ວ​ປະ​ເທດ. ກ່ອນ​ໜ້າ​ນັ້ນ, ​ໃນ​ໂອກາດ​ສົກຮຽນ​ໃໝ່, ທ່ານ​ປະທານ​ປະ​ເທດ ​ເຈືອງ​ເຕິ໋ນຊາງ ​ໄດ້​ຝາກ​ຈົດໝາຍ​ເຖິງ​ບັນດາພະນັກງານ, ຄູ​ອາຈານ, ພໍ່​ແມ່​ນັກຮຽນ ​ແລະ ນັກຮຽນ, ນັກ​ສຶກສາ​ໃນ​ທົ່ວ​ປະ​ເທດ. ທ່ານ​ປະທານ​ປະ​ເທດ ​ເຈືອງ​ເຕິ໋ນຊາງ​ ເນັ້ນ​ໜັກ​ວ່າ: ປີ 2014-2015, ຂະ​ແໜງ​ສຶກສາ​ຍັງ​ຄົງ​ສືບ​ຕໍ່​ເສີມ​ຂະຫຍາຍ ​ແລະ ທະວີຄູນ​ບັນດາ​ຮູບ​ແບບ​ໃໝ່, ​ບັນດາ​ແບບຢ່າງ​ທີ່​ດີ​ເດັ່ນ; ​ເອົາ​ໃຈ​ໃສ່​ກວ່າ​ອີກ​ເຖິງ​ວຽກ​ງານ​ສຶກສາຄຸ​ນສົມບັດ, ​ແບບ​ແຜນ​ດຳລົງ​ຊີວິດ​ຂອງ​ນັກຮຽນ, ນັກ​ສຶກສາ; ຮັກສາ ​ແລະ ຍົກ​ສູງ​ຄຸນ​ນະພາ​ບການ​ສຶກສາ​ບຳລຸງ​ສ້າງ; ຕັ້ງໜ້າ​ຜັນ​ຂະຫຍາຍ​ໂຄງການ​ດຳ​ເນີນ​ງານ​ຂອງ​ລັດຖະບານ​ກ່ຽວ​ກັບ​ການ​ປ່ຽນ​ໃໝ່​ການ​ສຶກສາ ​ແລະ ບຳລຸງ​ສ້າງ​ໂດຍ​ພື້ນຖານ ​ແລະ ຮອບດ້ານ. ຢູ່​ແຂວງ ລອງ​ອານ, ທ່ານ​ປະທານ​ປະ​ເທດ ​ເຈືອງ​ເຕິ໋ນຊາງ​ ໄດ້​ເຂົ້າ​ຮ່ວມ​ພິທີ​ເປີດ​ສົກຮຽນ​ໃໝ່​ຢູ່​ໂຮງ ຮຽນ​ມັດທະຍົມ​ຕອນ​ປາຍ ເຮົ້າເງ້ຍ. ຢູ່ທີ່ນີ້ທ່ານປະທານໄດ້ຕັດແຖບຜ້າ ເປີດສະຫຼອງ​ກິດຈະກຳ ​ແລະ ຕີ​ກອງ​ເປີດ​ສົກຮຽນ​ໃໝ່ 2014-2015 ​ໂຮງຮຽນ​ມັດທະຍົມ​ຕອນ​ປາຍ ​ເຮົ້າ​ເງ້ຍ. ທ່ານ​ປະທານ​ປະ​ເທດ ​ເຈືອງ​ເຕິ໋ນຊາງ ​ພ້ອມ​ກັບ​ການ​ນຳ​ທະນາຄານ​ແຫ່ງ​ລັດ, ບັນດາ​ວິ​ສາ​ຫະກິດ​ມອບ​ຂອງຂວັນ, ທຶນ​ສຶກສາ, ອຸປະກອນ​ການ​ຮຽນ​ໃຫ້​ກອງ​ທຶນ​ສົ່ງ​ເສີມ​ການ​ຮຽນ ຫວໍ​ວັນ​ເຕິ່ນ, ນັກຮຽນ​ທີ່​ປະສົບ​ກັບ​ຄວາມ​ຫຍຸ້ງຍາກ​ ​ແຕ່​ບັນລຸ​ຜົນງານ​ສູງ​ຂອງ​ໂຮງຮຽນດັ່ງກ່າວ​ ກໍ່​ຄື​ບັນດາ​ເປົ້າ​ໝາຍ​ນະ​ໂຍບາຍ​ໃນ​ບໍລິ​ເວນ​ແຂວງ ລອງ​ອານ. ສ່ວນ​ຢູ່​ນະຄອນ​ໂຮ່ຈີ​ມິນ, ທ່ານ​ປະທານ​ຄະນະ​ກຳມະການ​ປະຊາຊົນ​ນະຄອນ​ໂຮ່ຈີ​ມິນ ​ເລ​ຮ່ວາງ​ກວນ ກໍ່​ໄດ້​ເຂົ້າ​ຮ່ວມ ພິທີ​ເປີດ​ສົກຮຽນ​ໃໝ່​ຢູ່​ໂຮງຮຽນ​ມັດທະຍົມ​ຕອນ​ປາຍ ​ເລືອ​ງ​ເທ໋ວິ​ງ. ກ່າວ​ຄວາມ​ເຫັນ​ນະ​ພິທີ​ທ່ານ​​ເນັ້ນ​ໜັກ​ວ່າ:

        “​ໃນ​ສົກຮຽນ 2014-2015, ທົ່ວ​ຂະ​ແໜງ​ສຸມ​ໃສ່​ກໍ່ສ້າງ​ໂຮງຮຽນ​ໃຫ້​ກ້າວໜ້າ, ທັນ​ສະ​ໄໝ: ສຶກສາ​ພູມ​ປັນຍາ, ຄູນ​ສົມບັດ​ຕິດ​ພັນ​ກັບ​ການ​ສຶກສາ​ເນື້ອ​ກາຍ, ສຶກສາ​ມູນ​ເຊື້ອ​ວັດທະນະທຳ; ຫຼໍ່​ຫຼອມ​ມະນຸດ​ກ່ຽວ​ກັບ​ອຸດົມ​ຄະຕິ, ຄຸນ​ນະ​ທາດ, ບຸກຄະ​ລິກພາບ, ​ແບບ​ແຜນ​ດຳລົງ​ຊີວິດ. ​​ເພື່ອ​ໃຫ້ໂຮງຮຽນ​ແຕ່ລະ​ແຫ່ງ​ ກາຍ​ເປັນ​ສູນວັດທະນະທຳ, ສຶກສາ​ຢ່າງ​ແທ້​ຈິງ“.

        ສ່ວນ​ຢູ່​ແຂວງ​ກອນ​ຕຸ​ມ, ຕອນ​ເຊົ້າ​ວັນ​ທີ 5/9, ພິທີ​ເປີດ​ສົກຮຽນ​ໃໝ່​ກໍ່​ໄດ້​ດຳ​ເນີນ​ຢູ່​ໂຮງຮຽນ​ຕ່າງໆ​ໃນ​ທົ່ວ​ແຂວງ. ​ເຂົ້າ​ຮ່ວມ ພິທີ​ເປີດ​ສົກຮຽນ​ໃໝ່​​ຢູ່​ໂຮງຮຽນ​ປະຖົມ​ຝຶກ​ງານ​ສ້າງ​ຄູກ​ອນຕູມ​​ໃນ​ແຂວງ. ທ່ານ​ປະທານ​ຄະນະ​ກຳມະການ​ປະຊາຊົນ​ແຂວງ​ກອນ​ຕຸ​ມ ຫງວຽນ​ວັນ​ຮຸ່ງ, ​ເນັ້ນ​ໜັກ​ວ່າ:

        “ພວກ​ເຮົາ​ເອກອ້າງ​ທະ​ນົງ​ໃຈ​ຕໍ່​ໂຮງຮຽນ​ຂອງ​ຕົນ. ປະຈຸ​ບັນ, ຢູ່​ຫຼາຍ​ແຫ່ງ​ໃນ​ແຂວງ​ກອນ​ຕູມ​ຍັງ​ຂາດ​ຫ້ອງ​ຮຽນ, ປື້​ມ, ​ໂສ້ງ​ເສື້ອ, ​ແລະ ມີ​ຫຼາຍ​ແຫ່ງ​ຢູ່​ເຂດ​ຫ່າງ​ໄກ​ສອກຫຼີກ​ ຍ້ອນການ​ໄປ​ຮຽນ​ປະສົບ​ກັບ​ຄວາມ​ຫຍຸ້ງຍາກ, ຈຶ່ງ​ມີນັກຮຽນ​ຫຼາຍ​ຄົນ​ບໍ່​ໄດ້​ໄປ​ໂຮງຮຽນ. ດັ່ງ​ນັ້ນ​ພວກ​ເຮົາ​ຕ້ອງ​ພະຍາຍາມ​ໃນ​ການ​ສິດສອນ ​ແລະ ​ໃນ​ການ​ຮຳ່ຮຽນ ກວ່າ​ອີກ​ “.

        ພ້ອມ​ກັບ​ບັນດາ​ທ້ອງ​ຖີ່​ນ​ໃນ​ທົ່ວ​ປະ​ເທດ, ວັນ​ທີ 5/9, ບັນດາ​ໂຮງຮຽນ​ນັບ​ແຕ່​ຂັ້ນ​ອະນຸບານ​ເຖິງ​ຂັ້ນມະຫາວິທະຍາ​ໄລ​ຂອງ​ແຂວງ ຕວຽນ​ກວາງ ​ກໍ່​​ໄດ້​ຈັດ​ພິທີ​ເປີດ​ສົກຮຽນ​ໃໝ່ 2014-2015.