ເປີດສະຫຼອງ ສູນວາງສະແດງສິນຄ້າຫວຽດນາມທີ່ມີຄຸນນະພາບສູງຢູ່ໄທ
(VOVWORLD) -ວັນທີ 23 ສິງຫາ, ໂດຍໄດ້ຮັບການອຸປະຖຳຈາກສະຖານກົງສູນໃຫຍ່ຫວຽດນາມປະຈຳ ຂອນແກ່ນ , ສະຫະສະມາຄົມນັກທຸລະກິດ ໄທ - ຫວຽດນາມໃນທົ່ວໄທ ໄດ້ຈັດຕັ້ງພິທີເປີດສະຫຼອງສູນວາງສະແດງສິນຄ້າຫວຽດນາມຢູ່ສູນການຄ້າ VT - ແໜມເນືອງ, ອຸດອນທານີ, ພາກອີສານໄທ.
 ບັນດາຜູ້ແທນຕັດຜ້າແຖບເປີດສະຫຼອງ ສູນວາງສະແດງສິນຄ້າ ຫວຽດນາມ (ພາບ: TTXVN.) |
ທ່ານ ຮ່ວາງງອກເຊີນຫົວໜ້າກົງສູນ ຫວຽດນາມ ປະຈຳຂອນແກ່ນໄດ້ເນັ້ນໜັກວ່າ ການເປີດສະຫຼອງ ສູນວາງສະແດງສິນຄ້າຫວຽດນາມ, ບໍ່ພຽງແຕ່ແມ່ນໂອກາດເພື່ອໃຫ້ຜູ້ບໍລິໂພກ ຢູ່ເຂດອີສານໄທໄດ້ສຳຜັດກັບສິນຄ້າທີ່ມີຄຸນນະພາບສູງຂອງຫວຽດນາມເທົ່ານັ້ນ ຫາກຍັງແມ່ນໂອກາດເພື່ອໃຫ້ວິສາຫະກິດສອງປະເທດເພີ່ມທະວີການເຄື່ອນໄຫວພົວພັນການຄ້າ, ແລກປ່ຽນສິນຄ້າ, ຊອກຫາກາລະໂອກາດຮ່ວມມືດຳເນີນທຸລະກິດອີກດ້ວຍ. ທ່ານ ຮ່ວາງງອກເຊີນກໍ່ມີຄວາມຫວັງວ່າ ສະຫະສະມາຄົມ ນັກທຸລະກິດ ໄທ - ຫວຽດ ໃນທົ່ວປະເທດໄທ ຈະສືບຕໍ່ມານະພະຍາຍາມເພື່ອເປີດຕື່ມອີກຫຼາຍສູນທີ່ຄ້າຍຄືກັນໃນລະບົບຊຸບເປີ້ມາກແກັດ, ສູນການຄ້າຂອງ ປະຊາຄົມຊາວໄທເຊື້ອສາຍຫວຽດນາມຢູ່ເຂດອີສານໄທຫຼາຍສູນຕື່ມອີກ.