(vovworld) - ຕອນເຊົ້າວັນທີ 30/03, ຢູ່ເມືອງດົງແອງ, ຮ່າໂນ້ຍ, ກອງທຶນສະຫະປະຊາຊາດເພື່ອເດັກນ້ອຍ (UNICEF) ຫວຽດນາມ ພ້ອມກັບກຸ່ມບໍລິສັດ ຊາມຊູງ ສ.ເກົາຫຼີ ສົມທົບກັບສະຖາບັນວິທະຍາສາດສຶກສາຫວຽດນາມ ຈັດພິທີເປີດສະຫຼອງຫໍສະໝຸດທີ່ໃກ້ຊິດສະໜິດສະໜົມກັບເດັກນ້ອຍໂດຍອີງໃສ່ປະຊາຄົມ. ທີ່ຫໍສະໝຸດນີ້ພວກນ້ອງນັກຮຽນຈະໄດ້ສຶກສາຮ່ຳຮຽນ, ລ້າຫຼີ້ນ, ອ່ານປື້ມ ແລະ ສຳຜັດກັບບັນດາພາຫະນະສື່ສານອື່ນຜ່ານບັນດາຊ່ອງໂທລະພາບ, ຕົວໜັງສື ແລະ ນຳສຽງ. ກ່າວຄຳເຫັນທີ່ພິທີ, ທ່ານຮອງສາດສະດາຈານ, ດ.ຣ ຫງວຽນບ໋າມິງ, ຫົວໜ້າກົມສຶກສາຂັ້ນອະນຸບານ, ກະຊວງສຶກສາ ແລະ ກໍ່ສ້າງຫວຽດນາມ ໃຫ້ຮູ້ວ່າ.
“ຫໍສະໜຸດໄດ້ປະກອບສ່ວນເຂົ້າໃນການເບິ່ງແຍງດູແລ ແລະ ພັດທະນາເດັກອະນຸບານຢ່າງຮອບດ້ານ, ທັງແມ່ນແຫ່ງເພື່ອໃຫ້ພະນັກງານ, ຄູອາຈານ, ພໍ່ແມ່ນັກຮຽນຂຸດຄົ້ນ, ສຳຜັດກັບແຫຼ່ງຂໍ້ມູນທີ່ຈຳເປັນຢ່າງງ່າຍ ເພື່ອເພີ່ມຄວາມຮູ້ ແລະ ກຳລັງຄວາມສາມາດກ່ຽວກັບການເບິ່ງແຍງການສຶກສາໃຫ້ເດັກນ້ອຍ”.