ເປີດໂຄງການ “ ກໍ່ສ້າງອາຄານຜູ້ໂດຍສານສາກົນ - ທ່າອາກາດສະຍານສາກົນ ດານັ້ງ ”
ພິທີເປີດໂຄງການ “ ກໍ່ສ້າງອາຄານຜູ້ໂດຍສານສາກົນ - ທ່າອາກາດສະຍານສາກົນ ດານັ້ງ ” |
(vovworld)- ຕອນເຊົ້າວັນທີ 15/11, ກະຊວງຄົມມະນາຄົມຂົນສົ່ງ ແລະ ຄະນະກຳມະການປະຊາຊົນນະຄອນ ດານັ້ງ ໄດ້ຈັດພິທີເປີດໂຄງການ “ ກໍ່ສ້າງອາຄານຜູ້ໂດຍສານສາກົນ - ທ່າອາກາດສະຍານສາກົນ ດານັ້ງ ”. ໂຄງການ “ ກໍ່ສ້າງອາຄານຜູ້ໂດຍສານສາກົນ - ທ່າອາກາດສະຍານສາກົນ ດານັ້ງ ” ມີຍອດເງິນລົງທຶນກວ່າ 3.500 ຕື້ດົງ, ເມື່ອກໍ່ສ້າງສຳເລັດ ຈະສາມາດຮັບໃຊ້ຜູ້ໂດຍສານແຕ່ 4 ລ້ານຫາ 6 ລ້ານຄົນຕໍ່ປີ. ກ່າວຄຳເຫັນທີ່ພິທີດັ່ງກ່າວ, ທ່ານລັດຖະມົນຕີວ່າການກະຊວງຄົມມະນາຄົມຂົນສົ່ງຫວຽດນາມ ຫງວຽນເຍິດ ກ່າວວ່າ : (ເທບ)
“ໂຄງການ “ ກໍ່ສ້າງອາຄານຜູ້ໂດຍສານສາກົນ - ທ່າອາກາດສະຍານສາກົນ ດານັ້ງ ” ແມ່ນເພື່ອແນໃສ່ຫັນການກຳນົດທິດເປັນລະອຽດ ແລະ ພັດທະນາໂຄງປະກອບໂຄງລ່າງຄົມມະນາຄົມໄລຍະ 2011-2020. ນີ້ແມ່ນໂຄງການທີ່ຜັນຂະຫຍາຍຕາມຮູບການຫັນເປັນວຽກງານສັງຄົມທຳອິດໃນຂົງເຂດການບິນ. ໂຄງການຈະແມ່ນປະຖົມປັດໄຈດຶງດູດບັນດາບໍລິສັດການບິນທັງຢູ່ພາຍໃນ ແລະ ຕ່າງ
ປະເທດເຂົ້າຮ່ວມຂຸດຄົ້ນບັນດາສາຍການບິນ, ປະກອບສ່ວນດຶງດູດເງິນລົງທຶນຈາກຕ່າງປະເທດ, ສ້າງກຳລັງໜູນພັດທະນາເຂດພາກກາງ, ພ້ອມທັງຮັບໃຊ້ບັນດາເຫດການໃຫຍ່ຂອງຫວຽດນາມ ”