ເປັນຄັ້ງທຳອິດ EU ນຳໃຊ້ກົດໝາຍວ່າດ້ວຍສິດທິມະນຸດ ເພື່ອລົງໂທດ ລັດເຊຍ ຍ້ອນເຫດ Navalny
(VOVWORLD) -ເປັນຄັ້ງທຳອິດ, ບັນດາເຈົ້າໜ້າທີ່ການຕ່າງປະເທດ ສະຫະພາບ ເອີລົບ (EU) ໄດ້ນຳໃຊ້ກົດໝາຍວ່າດ້ວຍ Magnitsky ຂອງກຸ່ມນີ້ ເພື່ອລົງໂທດ ລັດເຊຍ ດ້ວຍບັນດາຂໍ້ກ່າວຫາລະເມີດສິດທິມະນຸດ ໃນການຈັບຕົວ ແລະ ຈຳຄຸກເປົ້າໝາຍ Alexei Navalny.
 ພາບປະກອບ: Getty |
ກ່າວຄຳເຫັນພາຍຫຼັງກອງປະຊຸມຂອງບັນດາລັດຖະມົນຕີການຕ່າງປະເທດ EU ໃນວັນທີ 22 ກຸມພາ ຢູ່ Brussles, ປະເທດແບນຊິກ, ທ່ານ Josep Borrell ຜູ້ຕາງໜ້າຂັ້ນສູງກ່ຽວກັບນະໂຍບາຍການຕ່າງປະເທດ ແລະ ຄວາມໝັ້ນຄົງຂອງ EU ໄດ້ປະກາດວ່າ EU ຕີລາຄາວ່າ ປະເທດ ລັດເຊຍພວມເດີນຕາມເສັ້ນທາງອອກໄກຈາກ ເອີລົບ ແລະ ກຸ່ມນີ້ຕ້ອງສົ່ງສານຢ່າງແຮງໄປເຖິງ ລັດເຊຍ, ລາຍລະອຽດກ່ຽວກັບຄຳສັ່ງລົງໂທດຂອງ EU ເລັ່ງໃສ່ ລັດເຊຍ ຍັງບໍ່ທັນໄດ້ຮັບການປະກາດເທື່ອ ແຕ່ຕາມສື່ມວນຊົນ ເອີລົບ, EU ຈະອອກຄຳສັ່ງປິດຕາຍຊັບສິນ ແລະ ຫ້າມເດີນທາງໄປມາຢູ່ບັນດາປະເທດເອີລົບ ສຳລັບບັນດາບຸກຄົນທີ່ມີສິດອຳນາດໃນອຳນາດການປົກຄອງ ລັດເຊຍ. ຄາດວ່າ, ຄຳສັ່ງລົງໂທດຈະໄດ້ຮັບຮອງຢ່າງເປັນທາງການໃນຕົ້ນເດືອນມີນາ ປີ 2021, ຫຼັງຈາກທີ່ໄດ້ຮັບການຮັບຮອງເອົາຈາກບັນດາປະເທດສະມາຊິກ EU.
ກວາງຢຸງ, ນັກຂ່າວ VOV ປະຈຳ ຝລັ່ງ