(ພາບປະກອບ: EPA/TTXVN)

ຢູ່ ຊະອຸດີ ອາຣາເບຍ, ຕຳຫຼວດປະເທດນີ້ຫາກໍ່ດັບສູນພວກກໍ່ການຮ້າຍ 3 ຄົນ ຢູ່ເຂດ Qatif. ບັນດາເປົ້າໝາຍດັ່ງກ່າວລ້ວນແຕ່ກ່ຽວຂ້ອງເຖິງບັນດາອາດຊະຍາກຳກໍ່ການຮ້າຍແນໃສ່ສາມັນຊົນ ແລະ ບັນດາກຳລັງປ້ອງກັນຄວາມສະຫງົບ; ໃນນັ້ນມີຜູ້ໜຶ່ງ ນອນໃນບັນຊີລາຍຊື່ເປົ້າໝາຍກໍ່ການຮ້າຍ 9 ຄົນຖືກຕາມລ່າ. ໃນຂະນະນັ້ນ, ຢູ່ອາບການິດສະຖານ, ກະຊວງປ້ອງກັນປະເທດຂອງປະເທດນີ້ໃຫ້ຮູ້ວ່າ: ດ້ວຍການໜູນຊ່ວຍຂອງເຮືອບິນ, ກຳລັງປ້ອງກັນຄວາມສະຫງົບອາບການິດສະຖານ ໄດ້ດັບສູນພວກກະບົດ 77 ຄົນ, ໃນນັ້ນມີມືປືນ 17 ຄົນສັງກັດອົງການ IS ໃນຮອບເວລາ 24 ຊົ່ວໂມງຜ່ານມາ. ນອກນັ້ນ, ບັນດາກຳລັງນີ້ກໍ່ໄດ້ຈັບຕົວຫຼາຍເປົ້າໝາຍອື່ນໆ.