ເພີ່ມທະວີການຄຸ້ມຄອງລັດໃນວຽກງານຫຼຸດຜ່ອນຄວາມທຸກຍາກ
(ພາບປະກອບ)
(vovworld) - ຕອນເຊົ້າວັນທີ 23/04, ກຳມາທິການບັນດາບັນຫາສັງຄົມຂອງສະພາແຫ່ງຊາດ ໄດ້ຮັບຟັງຮ່າງບົດລາຍງານຂອງຄະນະປະຈຳສະພາແຫ່ງຊາດ ກ່ຽວກັບໝາກຜົນແຫ່ງການຕິດຕາມກວດກາການປະຕິບັດນະໂຍບາຍ, ກົດໝາຍກ່ຽວກັບການຫຼຸດຜ່ອນຄວາມທຸກຍາກໄລຍະ 2005 – 2012. ບັນດາຄຳເຫັນໄດ້ຕີລາຄາສູງຜົນສຳເລັດຂອງນະໂຍບາຍຫຼຸດຜ່ອນຄວາມທຸກຍາກ, ຢືນຢັນແນວທາງ, ທັດສະນະທະລຸລົງຂອງພັກ, ຖືວຽກງານຫຼຸດຜ່ອນຄວາມທຸກຍາກແມ່ນບຸລິມະສິດອັນດັບໜຶ່ງຂອງພັກ, ລັດ, ອຳນາດການປົກຄອງຂັ້ນຕ່າງໆ, ບັນດາອົງການຈັດຕັ້ງ, ສ່ວນບຸກຄົນ, ບັນດາວິສາຫະກິດ, ວົງຄະນະຍາດຊຸມຊົນ ແລະ ຄົນທຸກຍາກເອງ. ໝາກຜົນການຫຼຸດຜ່ອນຄວາມທຸກຍາກໄດ້ປະກອບສ່ວນສຳຄັນເຂົ້າໃນຈຸດໝາຍເຕີບໂຕເສດຖະກິດຢ່າງໝັ້ນຄົງ, ຮັບປະກັນຊີວິດສັງຄົມ, ປົວແປງຊີວິດການເປັນຢູ່ຂອງປະຊາຊົນ, ພິເສດແມ່ນປະຊາຊົນເຂດຫ່າງໄກສອກຫຼີກ, ເຂດປະສົບກັບຄວາມຫຍຸ້ງຍາກ, ປະຊາຊົນບັນດາເຜົ່າສ່ວນໜ້ອຍ. ບົນພື້ນຖານບົດລາຍງານໝາກຜົນຕິດຕາມກວດກາການປະຕິບັດນະໂຍບາຍ, ກົດໝາຍກ່ຽວກັບການຫຼຸດຜ່ອນຄວາມທຸກຍາກໄລຍະ 2005 – 2012, ມີຫຼາຍຄຳເຫັນສະເໜີຕໍ່ສະພາແຫ່ງຊາດ ປະກາດມະຕິກ່ຽວກັບການ “ຍູ້ແຮງການປະຕິບັດນະໂຍບາຍ, ກົດໝາຍຫຼຸດຜ່ອນຄວາມທຸກຍາກໄລຍະ 2005 - 2020”, ສຸມໃສ່ເຂົ້າໃນການກຳນົດທິດປັບປຸງນະໂຍບາຍຫຼຸດຜ່ອນຄວາມທຸກຍາກຫຼັງປີ 2015, ໃຫ້ບຸລິມະສິດຮັບປະກັນແຫຼ່ງກຳລັງທີ່ມີຕໍ່ນະໂຍບາຍຫຼຸດຜ່ອນຄວາມທຸກຍາກ, ເພີ່ມທະວີການຄຸ້ມຄອງລັດ, ຈັດແບ່ງວຽກງານ, ແບ່ງຂັ້ນໜ້າທີ່ຮັບຜິດຊອບຢ່າງລະອຽດ, ປ່ຽນໃໝ່ກົນໄກບໍລິຫານ ແລະ ສຳເລັດສ້າງກອບມາດຖານຕີລາຄາປະສິດທິຜົນວຽກງານຫຼຸດຜ່ອນຄວາມທຸກຍາກ.