ທ່ານຫງວຽນກວນ ລັດຖະມົນຕີກະຊວງວິທະຍາສາດ
ແລະ ເຕັກໂນໂລຊີກ່າວຄຳເຫັນທີ່ກອງປະຊຸມ
(ພາບ:VOV5)
(vovworld)- ວັນທີ 6/7 ຢູ່ຮ່າໂນ້ຍ, ກະຊວງວິທະຍາສາດ ແລະ ເຕັກໂນໂລຊີ, ບໍລິສັດຫຸ້ນສ່ວນດອກໄຟຕິກນ້ຳຮ້ອນຣ້າງດົງ ສົມທົບກັນຈັດກອງປະຊຸມສຳມະນາ “ປ່ຽນໃໝ່, ຫົວຄິດປະດິດສ້າງຂອງວິສາຫະກິດ-ບົດຮຽນຈາກການຮ່ວມສຳພັນລະຫວ່າງມະຫາວິທະຍາໄລ, ສະຖາບັນ ແລະ ຣ້າງດົງ”. ບັນດາຄຳເຫັນທີ່ກອງປະຊຸມສຳມະນາ ໄດ້ເຫັນດີເປັນເອກະສັນກ່ຽວກັບການປ່ຽນໃໝ່, ຫົວຄິດປະດິດສ້າງຂອງ 3 ພາກສ່ວນໃນສັງຄົມຄື: ບັນດາມະຫາວິທະຍາໄລ, ວິສາຫະກິດ ແລະ ລັດ, ໃນນັ້ນ, ວິສາຫະກິດແມ່ນໃຈກາງກາຍເປັນກຳລັງໜູນຕົ້ນຕໍໃນການພັດທະນາເສດຖະກິດສັງຄົມ. ບໍລິສັດຫຸ້ນສ່ວນດອກໄຟຕິກນ້ຳຮ້ອນຣ້າງດົງ ຖືກຖືວ່າແມ່ນໜຶ່ງໃນບັນດາວິສາຫະກິດນຳໜ້າໃນການເຄື່ອນໄຫວຄົ້ນຄ້ວາພັດທະນາ ແລະ ຖ່າຍຖອດເຕັກໂນໂລຊີກັບບັນດາສະຖາບັນຄົ້ນຄ້ວາ, ມະຫາວິທະຍາໄລ. ຕາມທ່ານຫງວຽນກວນ ລັດຖະມົນຕີກະຊວງວິທະຍາສາດ ແລະ ເຕັກໂນໂລຊີ ແລ້ວ, ເພື່ອປະສົບຜົນສຳເລັດໄດ້, ວິສາຫະກິດຕ້ອງເລືອກເຟັ້ນນັກວິທະຍາສາດທີ່ມີປະສົບການ, ມີລະດັບຄວາມຮູ້ສູງ ແລະ ມີການໃຫ້ບຸລິມະສິດທີ່ເໝາະສົມ:
“ວິສາຫະກິດຕ້ອງເປັນເຈົ້າການໃນການຮ່ວມມືກັບນັກວິທະຍາສາດ. ຖ້າຫາກວ່າວິສາຫະກິດຫວຽດນາມ ທັງໝົດລ້ວນແຕ່ເປັນເຈົ້າການໃນການຮ່ວມມືກັບນັກວິທະ ຍາສາດ ແລະ ລົງທຶນໃຫ້ແກ່ເຂົາເຈົ້າ, ການປ່ຽນໃໝ່ຂອງບັນດາວິສາຫະກິດຈຶ່ງຈະປະສົບຜົນສຳເລັດໄດ້”.