ສອງຝ່າຍໄດ້ປຶກສາຫາລືກ່ຽວກັບແງ່ຫວັງພັດທະນາການຮ່ວມມືຍຸດທະສາດລະຫວ່າງ ລັດເຊຍ - ອາຊຽນ, ພິຈາລະນາບັນດາບັນຫາການຮ່ວມມືຢູ່ບັນດາເວທີປາໄສສາກົນ ແລະ ພາກພື້ນ, ເປີດກ້ວາງການຮ່ວມມືໃນບັນດາຂົງເຂດ ເສດຖະກິດ - ການຄ້າ ແລະ ມະນຸດສະທຳ, ກໍ່ຄືບັນດາບາດກ້າວລວມໃນສະພາບການສ້າງຄັ້ງຄູ່ຮ່ວມມືລະຫວ່າງ ອາຊີ - ເອີລົບໃຫຍ່ຂຶ້ນ. ທ່ານ Sergei Lavrov ໄດ້ເນັ້ນໜັກເຖິງການພົວພັນກັບອາຊຽນແມ່ນບຸລິມະສິດສຳຄັນໃນນະໂຍບາຍທາງການທູດຂອງ ລັດເຊຍ. ລັດເຊຍຖື ອາຊຽນແມ່ນຄູ່ຮ່ວມມືທີ່ໜ້າໄວ້ເນື້ອເຊື່ອໃຈ, ມີເຈັດຈຳນົງທິດທາງດຽວກັນໃນການສ້າງໂຄງປະກອບເປີດ, ສົມດຸນກ່ຽວກັບຄວາມໝັ້ນຄົງ, ສະເໝີພາບ ແລະ ບໍ່ສາມາດແຕກແຍກອອກໄດ້ພາກພື້ນອາຊີ - ປາຊີຟິກ.

ສອງຝ່າຍໄດ້ເຫັນດີເປັນເອກະພາບຜັນຂະຫຍາຍແຜນການກະທຳທີ່ໄດ້ເຕື້ອງເຖິງໃນບົດບັນທຶກຊ່ວຍຈຳກ່ຽວກັບການຮ່ວມມືດ້ານເສດຖະກິດ ເຊິ່ງອາຊຽນ ແລະ ຄະນະກຳມະການສະຫະພັນເສດຖະກິດ ອາຊີ - ເອີລົບ (EAEU) ເຊິ່ງໄດ້ຮັບການລົງນາມໃນປີ 2018. ນອກຈາກນັ້ນ, ສອງຝ່າຍກໍ່ໄດ້ປຶກສາຫາລືບາງບັນຫາເຊິ່ງຕ່າງຝ່າຍຕ່າງມີຄວາມສົນໃຈ, ເຮັດແນວໃດເພື່ອຍົກສູງບົດບາດຂອງໄວໜຸ່ມໃນການຊຸກຍູ້ການພົວພັນລະຫວ່າງ ສອງພາກພື້ນໃຫ້ຫຼາຍກ່ວາອີກ.