ທ່ານຮອງປະທານ ສະພາແຫ່ງຊາດ ຫວຽດນາມ ເຈິ່ນແທັງເໝິນ ຕ້ອນຮັບທ່ານ John Kerry ທູດພິເສດ ຂອງທ່ານປະທານາທິບໍດີ ອາເມລິກາ ຮັບຜິດຊອບກ່ຽວກັບການປ່ຽນແປງຂອງດິນຟ້າອາກາດ (ພາບ: TTXVN)

ນະທີ່ນີ້, ທ່ານຮອງປະທານ ສະພາແຫ່ງຊາດ ຫວຽດນາມ ເຈິ່ນແທັງເໝິນ ເນັ້ນໜັກວ່າ ຫວຽດນາມ ກຳນົດການຮັບມືກັບການປ່ຽນແປງຂອງດິນຟ້າອາກາດແມ່ນໜ້າທີ່ຈຸດສຸມ. ໃນໄລຍະຈະມາເຖິງ, ສະພາແຫ່ງຊາດ ຫວຽດນາມ ຈະສືບຕໍ່ຮ່ວມເດີນທາງພ້ອມກັບລັດຖະບານ ສ້າງ ແລະ ປັບປຸງພື້ນຖານນິຕິກຳໃຫ້ສົມບູນແບບ ແນໃສ່ຊຸກຍູ້ການພັດທະນາແຫຼ່ງພະລັງງານຜະລິດຄືນໃໝ່; ດັດປັບເປົ້າໝາຍຍຸດທະສາດເຕີບໂຕຂຽວຄືນໃໝ່; ພ້ອມທັງປາດຖະໜາວ່າ ອາເມລິກາ ຈະເພີ່ມທະວີການຊ່ວຍເຫຼືອ ຫວຽດນາມ ເພື່ອໃຫ້ ຫວຽດນາມ ປະຕິບັດຄຳໝັ້ນສັນຍາ ໃນ COP26 ໄດ້ຢ່າງຄົບຖ້ວນ.

     ທ່ານຮອງປະທານຜູ້ປະຈຳການສະພາແຫ່ງຊາດ ຫວຽດນາມ ປາດຖະໜາວ່າ ທ່ານທູດພິເສດ John Kerry ຈະຊຸກຍູ້ລັດຖະບານ ອາເມລິກາ ສະແດງຄຳໝັ້ນສັນຍາໜູນຊ່ວຍບົດບາດໃຈກາງຂອງ ອາຊຽນ ຢ່າງແຮງກວ່າອີກ; ສະໜັບສະໜູນການເພີ່ມທະວີການພົວພັນຮ່ວມມືລະຫວ່າງສະພາແຫ່ງຊາດ ຫວຽດນາມ ກັບ ສະພາແຫ່ງຊາດ ອາເມລິກາ.

     ສ່ວນທ່ານ John Kerry ທູດພິເສດ ຂອງປະທານາທິບໍດີ ອາເມລິກາ ຮັບຜິດຊອບກ່ຽວກັບການປ່ຽນແປງຂອງດິນຟ້າອາກາດ ກໍ່ໃຫ້ຮູ້ວ່າ ອາເມລິກາ ຢາກຮ່ວມມືກັບ ຫວຽດນາມ ໃນຂົງເຂດພະລັງງານຜະລິດຄືນໃໝ່, ເສດຖະກິດຂຽວ; ພ້ອມທັງຢັ້ງຢືນວ່າ ສະພາແຫ່ງຊາດ ຫວຽດນາມ ສວມບົດບາດສຳຄັນໃນການສ້າງກອບນິຕິກຳຊຸກຍູ້ການພັດທະນາແຫຼ່ງພະລັງງານຜະລິດຄືນໃໝ່ຢ່າງແຮງກວ່າອີກ.