ເພີ່ມທະວີການຮ່ວມມືລະຫວ່າງນະຄອນໂຮ່ຈີມິນກັບບັນດາທ້ອງຖິ່ນຂອງລາວ
ທ່ານ ດິງລາທັງ ເລຂາຄະນະພັກນະຄອນ ເຂົ້າຢ້ຽມຂ່ຳນັບ
ທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ
(vovworld) - ໃນຂອບເຂດການຢ້ຽມຢາມ ແລະ ເຮັດວຽກຢູ່ ລາວ ໃນລະຫວ່າງວັນທີ 29/05 – 01/06. ວັນທີ 30/05, ຄະນະຜູ້ແທນຄະນອນ ໂຮ່ຈີມິນ ໂດຍທ່ານ ດິງລາທັງ ເລຂາຄະນະພັກນະຄອນ ນຳໜ້າ, ເຂົ້າຢ້ຽມຂ່ຳນັບທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ, ທ່ານນາງປະທານສະພາແຫ່ງຊາດ ປານີ ຢາທໍ່ຕູ້ ແລະ ທ່ານນາຍົກລັດຖະມົນຕີ ທອງລຸນ ສິສຸລິດ. ທີ່ບັນດາການພົບປະ, ທ່ານ ດິງລາທັງ ໃຫ້ຮູ້ວ່າ: ໃນໄລຍະຜ່ານມາ, ການຮ່ວມມືລະຫວ່າງນະຄອນ ໂຮ່ຈີມິນ ແລະ ນະຄອນຫລວງ ວຽງຈັນ ນັບມື້ນັບແທດຈິງ ແລະ ມີປະສິດທິຜົນ, ປະກອບສ່ວນເພີ່ມທະວີ ແລະ ຮັດແໜ້ນສາຍພົວພັນມິດຕະພາບ, ການຮ່ວມມື ລະຫວ່າງ 2 ນະຄອນເວົ້າສະເພາະ, ລະຫວ່າງ ລາວ ແລະ ຫວຽດນາມ ເວົ້າລວມກ່ວາອີກ. ທ່ານ ດິງລາທັງ ເນັ້ນໜັກວ່າ ໃນໄລຍະຈະມາເຖິງ, 2 ນະຄອນຈະສືບຕໍ່ແລກປ່ຽນ ເພື່ອຊອກຫາບັນດາມາດຕະການລະອຽດ ແນໃສ່ຊຸກຍູ້ການພົວພັນຮ່ວມມືລະຫວ່າງ 2 ຝ່າຍກ່ວາອີກ. ທ່ານ ດິງລາທັງ ສະເໜີຕໍ່ເລຂາທິການໃຫຍ່, ປະທານປະເທດ; ປະທານສະພາແຫ່ງຊາດ; ນາຍົກລັດຖະມົນຕີ ລາວ ສືບຕໍ່ສ້າງເງື່ອນໄຂໃຫ້ບັນດາວິສາຫະກິດ ຫວຽດນາມ, ໃນນັ້ນມີວິສາຫະກິດນະຄອນ ໂຮ່ຈີມິນ ພວມລົງທຶນດຳເນີນທຸລະກິດຢູ່ ລາວ, ເມື່ອມີບັນດາມາດຕະການແກ້ໄຂຄວາມຫຍຸ້ງຍາກຢ່າງທັນການ ແນໃສ່ໜູນຊ່ວຍວິສາຫະກິດ ຫວຽດນາມ, ນະຄອນ ໂຮ່ຈີມິນ ຜັນຂະຫຍາຍບັນດາໂຄງການລົງທຶນຢູ່ ລາວ ຢ່າງມີປະສິດທິຜົນ…ບັນດາການນຳ ລາວ ປາດຖະໜາວ່າ: ໃນໄລຍະຈະມາເຖິງ, ນະຄອນ ໂຮ່ຈີມິນ ຈະເພີ່ມທະວີການຊ່ວຍເຫຼືອ ແລະ ລົງທຶນເຂົ້າບັນດາທ້ອງຖິ່ນຢູ່ ລາວ, ບໍ່ພຽງແຕ່ຢູ່ບັນດາແຂວງ,ນະຄອນໃຫຍ່ເທົ່ານັ້ນ ຫາກຍັງເປີດກ້ວາງສູ່ບັນດາແຂວງ, ເຂດຫ່າງໄກຊອກຫຼີກອີກດ້ວຍ, ເຮັດແນວໃດ ເພື່ອໃຫ້ການຊ່ວຍເຫຼືອ ແລະ ການລົງທຶນນີ້ ນັບມື້ນັບມີປະສິດທິຜົນ, ປະກອບສ່ວນຍົກສູງຊີວິດທາງດ້ານຢູ່ເສດຖະກິດຂອງປະຊາຊົນ ລາວ.