(ພາບປະກອບ)
( vovworld ) – ຕອນເຊົ້າວັນທີ 13/8, ຢູ່ເທດສະບານເມືອງຫຼວງນ້ຳທາ, ອຳນາດການປົກສອງແຂວງຫຼວງນ້ຳທາຂອງລາວ ແລະ ແຂວງຫວີງຟຸກຂອງຫວຽດນາມ ໄດ້ສົມທົບກັນຈັດພິທີມອບຮັບໂຮງຮຽນມັດທະຍົມຕອນປາຍຫຼວງນ້ຳທາ ໂດຍຫວຽດນາມ ເປັນຜູ້ກໍ່ສ້າງ. ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ແລະ ທ່ານຮອງນາຍົກລັດຖະມົນຕີລາວສົມສະຫວາດ ເລັ່ງສະຫວັດ ເປັນສັກຂີພິຍານໃນພິທີດັ່ງກ່າວ. ໂຮງຮຽນໄດ້ຮັບການກໍ່ສ້າງດ້ວຍທຶນຊ່ວຍເຫຼືອລ້າຂອງລັດຖະບານຫວຽດນາມ ໂດຍແຂວງຫວີງຟຸກເປັນເຈົ້າຂອງການລົງທຶນດ້ວຍຍອດຈຳນວນທຶນກ່ວາ 68 ຕື້ດົ່ງ.
ກ່ອນໜ້ານັ້ນ, ວັນທີ 12/8, ໃນການເຮັດວຽກກັບການນຳແຂວງຫຼວງນ້ຳທາ, ທ່ານຮອງນາຍົກລັດຖະມົນຕີຫວຽດນາມ ຫງວຽນຊວນຟຸກ ໄດ້ຕີລາຄາສູງການພົວພັນຮ່ວມມືລະຫວ່າງແຂວງຫຼວງນ້ຳທາ ກັບບັນດາທ້ອງຖິ່ນຂອງຫວຽດນາມ. ທ່ານຮອງນາຍົກລັດຖະມົນຕີຢືນຢັນວ່າ, ບັນດາວິສາຫະກິດຫວຽດນາມ ຈະໄດ້ສ້າງເງື່ອນໄຂສະດວກເພື່ອລົງທຶນໃນບັນດາແຂວງພາກເໜືອລາວ ແລະ ທ່ານມີຄວາມເຊື່ອໝັ້ນວ່າ ການພົວພັນມິດຕະພາບແບບພິເສດ ແລະ ການຮ່ວມມືຮອບດ້ານລະຫວ່າງຫວຽດນາມ-ລາວເວົ້າລວມ ແລະ ລະຫວ່າງແຂວງຫຼວງນ້ຳທາ ກັບທ້ອງຖິ່ນຕ່າງໆຂອງຫວຽດນາມ ເວົ້າສະເພາະຈະສືບຕໍ່ພັດທະນາ.