ທີ່ກອງປະຊຸມສຳມະນາ, ບັນດາຜູ້ແທນສືບຕໍ່ເນັ້ນໜັກເຖິງບົດບາດສຳຄັນຂອງ UNCLOS 1982 ໃນການຄຸ້ມຄອງການເຄື່ອນໄຫວຂອງບັນດາປະເທດໃນການເດີນເຮືອໃນຕະຫລອດ 25 ປີຜ່ານມາ. ທ່ານ Giorgio Aliberti, ເອກອັກຄະລັດຖະທູດ ອີຢູ ປະຈຳ ຫວຽດນາມ ຢືນຢັນວ່າ:

        “ອີຢູ ໃຫ້ຄຳໝັ້ນສັນຍາກ່ຽວກັບການຮ່ວມມືດ້ານຄວາມໝັ້ນຄົງກັບພາກພື້ນ ອາຊີ, ສືບຕໍ່ປົກປ້ອງບັນດາຫຼັກການຕົ້ນຕໍທີ່ລະບຸໃນຍຸດທະສາດທົ່ວໂລກຂອງ ອີຢູ ໃນນັ້ນ ຍົກສູງບົດບາດຂອງການຮ່ວມມືຫລາຍຝ່າຍ, ແກ້ໄຂການຂັດແຍ້ງກັນໂດຍສັນຕິວິທີ ແລະ ຮັກສາຄວາມເປັນລະບຽບຮຽບຮ້ອຍສາກົນ ອີງໃສ່ລະບຽບກົດໝາຍຂອງສະຫະປະຊາຊາດ.”

        ທ່ານເອກອັກຄະລັດຖະທູດ ອີຢູ ຢັ້ງຢືນວ່າ ຈະສືບຕໍ່ໜູນຊ່ວຍບັນດາວິວັດທະນາການຢ່າງຄົບຖ້ວນ ໂດຍ ອາຊຽນ ນຳໜ້າໃນພາກພື້ນ ແນໃສ່ຊຸກຍູ້ຄວາມເປັນລະບຽບຮຽບຮ້ອຍໃນພາກພື້ນ ແລະ ສາກົນໃຫ້ດີກ່ວາອີກ ໂດຍອີງໃສ່ບັນດາຫຼັກການ, ປັບປຸງການຮ່ວມມືຫລາຍຝ່າຍ ໃນຂົງເຂດຄວາມໝັ້ນຄົງທະເລ. ໃນຂອບເຂດກອງປະຊຸມສຳມະນາ, ໃນຕອນບ່າຍວັນທີ 14 ພະຈິກ ໄດ້ດຳເນີນພິທີສະເຫຼີມສະຫຼອງ 25 ປີແຫ່ງວັນ UNCLOS ມີຜົນສັກສິດ.