ທ່ານ Andrej Plenkovic ນາຍົກລັດຖະມົນຕີ ກຣົວຊີ ຕ້ອນຮັບທ່ານນາງ ຫວໍ ທິ ແອ໊ງ ຊວັນ ຮອງປະທານປະເທດ ຫວຽດນາມ(ພາບ:TTXVN)

ວັນທີ 11 ຕຸລາ, ໃນຂອບເຂດຂອງການຢ້ຽມຢາມກຣົວຊີຢ່າງເປັນທາງການ, ທ່ານນາງ ຫວໍ ທິ ແອ໊ງ ຊວັນ ຮອງປະທານປະເທດ ຫວຽດນາມ ໄດ້ພົບປະກັບ ທ່ານ Andrej Plenkovic ນາຍົກລັດຖະມົນຕີ ກຣົວຊີ.

        ຢູ່ທີ່ການພົບປະ, ສອງຝ່າຍເປັນເອກະສັນກັນພິຈາລະນາສ້າງກົນໄກການຮ່ວມມືລະຫວ່າງລັດຖະບານ, ຜັນຂະຫຍາຍໂຄງການຮ່ວມມືໃນຫຼາຍຂົງເຂດທີ່ມີຄວາມສາມາດບົ່ມຊ້ອນເຊັ່ນ ການເດີນທາງທະເລ, ຂົນສົ່ງ, ອຸດສາຫະກຳເບົາ, ພະລັງງານສະອາດ, ເຕັກໂນໂລຊີຂໍ້ມູນຂ່າວສານ, ການປ່ຽນແປງໃໝ່ປະດິດຄິດສ້າງ…, ສູ້ຊົນນຳພາວົງເງິນການຄ້າສອງຝ່າຍໃຫ້ບັນລຸ 200 ລ້ານ ໂດລາສະຫະລັດ ໃນປີ 2025. ສອງຝ່າຍກໍ່ເປັນເອກະສັນກັນຊຸກຍູ້ການຮ່ວມມືໃນຂົງເຂດທ່າເຮືອກຳປັນ ເພື່ອໃຫ້ກາຍເປັນສູນປ່ຽນຖ່າຍສິນຄ້າລະຫວ່າງພາກພື້ນ ອາຊຽນ ແລະ ເອີຣົບ, ເປີດກ້ວາງການຮ່ວມມືດ້ານການສຶກສາ-ບຳລຸງສ້າງ, ແຮງງານ, ວັດທະນະທຳ, ກິລາ ແລະ ການທ່ອງທ່ຽວໃນສະພາບການທີ່ກຣົວຊີ ກະກຽມເຂົ້າຮ່ວມພາກພື້ນເຂົ້າອອກເມືອງຢ່າງເສລີ Schengen ແລະ ພາກພື້ນໃຊ້ສຸກຸນເງິນເອີໂຣ ນັບແຕ່ວັນທີ 1 ມັງກອນ 2023.

ການແລກປ່ຽນກ່ຽວກັບສະພາບການສາກົນ ແລະ ພາກພື້ນ, ສອງຝ່າຍເຫັນດີເປັນເອກະພາບຕ່ໍ່ບັນຫາຕ້ອງໄດ້ແກ້ໄຂ ໂດຍສັນຕິວິທີ, ບົນພື້ນຖານເຄົາລົບ ບັນດາຫຼັກການພື້ນຖານຂອງກົດໝາຍສາກົນ, ພິເສດແມ່ນຫຼັກການເຄົາລົບເອກະລາດ, ອະທິປະໄຕ ແລະ ຄົບຖ້ວນຜືນແຜ່ນດິນອັນຄົບຖ້ວນຂອງບັນດາປະເທດ.

ສິ້ນສຸດການຢ້ຽມຢາມກຣົວຊີຢ່າງເປັນທາງການ, ຕອນບ່າຍວັນທີ 11 ຕຸລາ, ທ່ານນາງຮອງປະທານປະເທດ ຫວຽດນາມ ໄດ້ເດີນທາງອອກຈາກກຣົວຊີ ເຖິງ ກາຊັກສະຖານ ເພື່ອເຂົ້າຮ່ວມກອງປະຊຸມສຸດຍອດ ກ່ຽວກັບການສົມທົບກັນທຳ ແລະ ບັນດາມາດຕະການກໍ່ສ້າງຄວາມໄວ້ເນື້ອເຊື່ອຈຢູ່ ອາຊີ (CICA) ຄັ້ງທີ 6.