ທ່ານນາງ ຫງວຽນເຟືອງງາ ປະທານ ສະຫະພັນບັນດາອົງການມິດຕະພາບ ຫວຽດນາມ ກ່າວຄຳເຫັນທີ່ການພົບປະ (ພາບ: TTXVN)

ວັນທີ 1 ທັນວາ, ໃນຂອບເຂດການຢ້ຽມຢາມສະຫະພັນ ລັດເຊຍ ຢ່າງເປັນທາງການຂອງທ່ານປະທານປະເທດ ຫວຽດນາມ ຫງວຽນຊວັນຟຸກ ແລະ ຄະນະຜູ້ແທນຂັ້ນສູງ ຫວຽດນາມ, ຢູ່ສຳນັກງານ ສະຫະສະມາຄົມປະຊາຊົນ ອາຊີ - ເອີຣົບ, ທ່ານນາງ ຫງວຽນເຟືອງງາ ປະທານ ສະຫະພັນບັນດາອົງການມິດຕະພາບ ຫວຽດນາມ (VUFO) ໄດ້ມີການເຮັດວຽກກັບການນຳ ສະຫະສະມາຄົມນີ້.

        ທ່ານນາງ ຫງວຽນເຟືອງງາ ເຫັນດີກັບ ສະຫະສະມາຄົມປະຊາຊົນ ອາຊີ - ເອີຣົບ ວ່າ ຄວນເພີ່ມທະວີການເຄື່ອນໄຫວພົບປະແລກປ່ຽນປະຊາຊົນ ແລະ ການຮ່ວມມືລະຫວ່າງ ສະຫະສະມາຄົມປະຊາຊົນ ອາຊີ - ເອີຣົບ ແລະ ສະຫະພັນບັນດາອົງການມິດຕະພາບ ຫວຽດນາມ. ສອງຝ່າຍກໍເຫັນດີເພີ່ມທະວີການຮ່ວມມື, ຈັດຕັ້ງກອງປະຊຸມ, ການສຳມະນາກ່ຽວກັບຫົວຂໍ້ທີ່ທັງສອງຝ່າຍຕ່າງມີຄວາມສົນໃຈ.