(vovworld) – ວັນທີ 7/5, ຢູ່ຮ່າໂນ້ຍ, ສະຖາບັນຄົ້ນຄ້ວານິຕິບັນຍັດ ຄະນະປະຈຳສະພາແຫ່ງຊາດ ສົມທົບກັບໂຄງການພັດທະນາສະຫະປະຊາຊາດປະຈຳຫວຽດນາມ ຈັດຕັ້ງພິທີປຸກລະດົມໂຄງການ ”ເພີ່ມທະວີການແລກປ່ຽນຂໍ້ມູນນິຕິບັນຍັດລະຫວ່າງບັນດາອົງການສະພາແຫ່ງຊາດຫວຽດນາມ”. ໂຄງການນີ້ເພື່ອແນໃສ່ໜູນຊ່ວຍສະຖາບັນຄົ້ນຄ້ວານິຕິບັນຍັດ, ຄະນະກຳມະການກົດໝາຍ ແລະ ຄະນະກຳມະການຍຸຕິທຳໃນບັນດາວຽກງານທີ່ກ່ຽວຂ້ອງເຖິງວິວັດການປັບປຸງລັດຖະທຳມະນູນ, ກໍ່ຄືປັບປຸງ, ເພີ່ມເຕີມບັນດາກົດໝາຍທີ່ສຳຄັນ. ກ່າວຄວາມເຫັນທີ່ພິທີປຸກລະດົມໂຄງການ, ທ່ານນາງ Louise Chamberlain, ຜູ້ອຳນວຍການແຫ່ງຊາດຂອງໂຄງການພັດທະນາສະຫະປະຊາຊາດປະຈຳຫວຽດນາມ, ໃຫ້ຮູ້ວ່າ:
“ຊຸ່ມປີໃກ້ໆນີ້, ແມ່ນເວລາສຳຄັນທີ່ສຸດໃຫ້ແກ່ການພັດທະນາຂອງລະບົບຂໍ້ມູນນິຕິບັນຍັດຫວຽດນາມ. ເພື່ອຜ່ານຜ່າການທ້າທາຍນີ້, ສະຖາບັນຄົ້ນຄ້ວານິຕິບັນຍັດຄວນມີການໜູນຊ່ວຍ ເພື່ອເພີ່ມທະວີວຽກງານສະໜອງຂໍ້ມູນນິຕິບັນຍັດກວ່າອີກ. ໂຄງການທີ່ແກ່ຍາວເປັນເວລາ 3 ປີນີ້ ຈະໜູນຊ່ວຍສະຖາບັນຄົ້ນຄ້ວານິຕິບັນຍັດ ແລະ ໜູນຊ່ວຍບັນດາສະມາຊິກສະພາແຫ່ງຊາດກໍ່ສ້າງ ແລະ ຍື່ນສະເໜີຂໍ້ລິເລີ່ມດ້ານກົດໝາຍ ແລະ ຫັນມັນເປັນຮ່າງກົດໝາຍຕ່າງໆ