(vovworld) - ທ່ານຮອງນາຍົກລັດຖະມົນຕີ ຫວຽດນາມ ຫງວຽນທ້ຽນເຍີນ ພ້ອມກັບຄະນະປະຕິບັດງານຄະນະຊີ້ນຳແຜນຮ່າງ “ສືບຕໍ່ກໍ່ສ້າງ ແລະ ພັດທະນາພື້ນຖານວັດທະນະທຳຫວຽດນາມ ທີ່ກ້າວໜ້າ, ເຂັມຂົ້ນໄປດ້ວຍສີສັນວັດທະນະທຳຂອງຊາດ” ພວມເຮັດວຽກຢູ່ແຂວງ ດ້ຽນບຽນ. ນະທີ່ນີ້, ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ໄດ້ສະເໜີບັນດາສະມາຊິກໃນຄະນະປະຕິບັດງານ ແລະ ແຂວງ ດ້ຽນບຽນ ຈົ່ງຈັດຕັ້ງການສຳຫຼວດສັງຄົມວິທະຍາ ເພື່ອຕີລາຄາ ການສັງເກດຂອງປະຊາຊົນ ກ່ຽວກັບວັດທະນະທຳຂອງ ເຜົ່າຕົນ, ຕີລາຄາບົດບາດ, ຜົນກະທົບຂອງພາຫະນະສື່ມວນຊົນທີ່ມີຕໍ່ຊີວິດວັດທະນະທຳຂອງບັນດາເຜົ່າ, ຊອກຫາສາຍກ່ຽວພັນ, ຄວາມແຕກຕ່າງກັນລະຫວ່າງການດຳລົງຊີວິດ, ແບບແຜນການດຳລົງຊີວິດ ຂອງພໍ່ແມ່ປະຊາຊົນ ກັບການເຄື່ອນໄຫວ ວັດທະນະທຳ ເພື່ອຊອກຫາວິທີການແກ້ໄຂ. ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ສະເໜີວ່າ: ແຂວງ ດ້ຽນບຽນ ຄວນເພີ່ມທະວີວຽກງານເຜີຍແຜ່ວັດທະນະທຳ ໃຫ້ແກ່ປະຊາຊົນບັນດາເຜົ່າສ່ວນໜ້ອຍ ດ້ວຍ ທາງ ໂທລະຄົມ, ໂທລະພາບ.... ພ້ອມກັນນັ້ນ ກໍ່ຕ້ອງລົງທຶນພັດທະນາຖັນແຖວ ນັກສີລະປິນ ຊາວຂົນເຜົ່າສ່ວນໜ້ອຍ ກໍ່ສ້າງພະນັກງານທີ່ມີລະດັບສູງໃນຂົງເຂດ ເຕັກໂນໂລຢີຂໍ້ມູນຂ່າວສານ ພ້ອມທັງມີລະບອບບຸລິມະສິດ ເພື່ອເປັນແກ່ນສານໃນຂະບວນການວັດທະນະທຳຢູ່ທ້ອງຖີ່ນ.