(vovworld) - ວັນທີ 19/02, ໃນຂອບເຂດບັນດາການເຄື່ອນໄຫວຂອງກອງປະຊຸມຄັ້ງທີ 1 ບັນດາເຈົ້າໜ້າທີ່ຂັ້ນສູງ APEC (SOM 1), ມີຜູ້ແທນກວ່າ 100 ທ່ານທີ່ມາຈາກບັນດາພື້ນຖານເສດຖະກິດ APEC ສືບຕໍ່ຈັດການປະຊຸມກຸ່ມນັກຊ່ຽວຊານກ່ຽວກັບຊັບສິນທາງປັນຍາ. ນີ້ແມ່ນໜຶ່ງໃນຈຳນວນກອງປະຊຸມ 6 ຄັ້ງຂອງກຸ່ມປະຕິບັດງານ APEC. ທີ່ກອງປະຊຸມ, ທ່ານ ເລຫງອກເລີມ, ຮອງຫົວໜ້າກຸ່ມຊັບສິນທາງປັນຍາ, ຜູ້ຕາງໜ້າປະເທດເຈົ້າພາບຫວຽດນາມ ໄດ້ລາຍງານ 2 ເນື້ອໃນສຳຄັນ ລວມມີ: ຂັ້ນຕອນແກ້ໄຂໃບຈົດທະບຽນຍີ່ຫໍ້ສາກົນຕາມລະບົບ Madrid ຢູ່ກົມຊັບສິນທາງປັນຍາ ແລະ ການເຄື່ອນໄຫວປ່ຽນໃໝ່, ມີຫົວຄິດປະດິດສ້າງຂອງຫວຽດນາມ. ທ່ານ ເລຫງອກເລີມ ໃຫ້ຮູ້ວ່າ, ການປະຕິບັດນະໂຍບາຍກ່ຽວກັບຊັບສິນທາງປັນຍາ ແມ່ນໜຶ່ງໃນບັນດາບັນຫາເຊິ່ງລັດຖະບານ ແລະ ບັນດາວິສາຫະກິດຫວຽດນາມ ມີຄວາມເອົາໃຈໃສ່ທີ່ສຸດ, ຍູ້ແຮງການເຄື່ອນໄຫວປ່ຽນໃໝ່ຢ່າງມີຫົວຄິດປະດິດສ້າງດ້ານເຕັກນິກ ເພື່ອຊ່ວຍການເຄື່ອນໄຫວດຳເນີນທຸລະກິດພັດທະນາຢ່າງແຮງ, ສ້າງກຳລັງແກ່ງແຍ້ງສຳລັບບັນດາຜະລິດຕະພັນທີ່ນຳເຂົ້າຈາກຕ່າງປະເທດ.
ນອກນັ້ນ, ທີ່ກອງປະຊຸມ, ບັນດາຜູ້ແທນໄດ້ສຸມໃສ່ເຈລະຈາກ່ຽວກັບນະໂຍບາຍຊັບສິນທາງປັນຍາ ແລະ ປຶກສາຫາລືບັນດາມາດຕະການເພື່ອເພີ່ມລັກສະນະມີປະສິດທິຜົນຂອງລະບົບປົກປ້ອງຊັບສິນທາງປັນຍາ, ປະຕິບັດສັນຍາກ່ຽວກັບບັນດາແງ່ມູມກ່ຽວຂອງເຖິງການຄ້າຂອງຊັບສິນທາງປັນຍາ…