ໂດຍ ທ່ານ ນາງ Men Som On, ກຳມະການຄະນະປະຈຳສູນກາງພັກປະຊາຊົນກຳປູເຈຍ, ຮອງນາຍົກລັດຖະມົນຕີ, ປະທານສະມາຄົມມິດຕະພາບ ກຳປູເຈຍ-ຫວຽດນາມ ເປັນຫົວໜ້າຄະນະ. ທີ່ການຕ້ອນຮັບ, ທ່ານ ນາງ Men Som On ໄດ້ແນະນຳກັບ ທ່ານເລຂາທິການໃຫຍ່ ຫງວຽນຟູຈ້ອງ ກ່ຽວກັບບັນດາການເຄື່ອນໄຫວຢ່າງແທດຈິງ, ຄວາມໝາຍຂອງສະມາຄົມມິດຕະພາບ ກຳປູເຈຍ-ຫວຽດນາມ ໄລຍະຜ່ານມາ, ຜ່ານນັ້ນໄດ້ປະກອບສ່ວນເຜີຍແຜ່ຢ່າງເລິກເຊິ່ງກວ້າງຂວາງໃນ ໝູ່ປະຊາຊົນທຸກຊັ້ນວັນນະ ກ່ຽວກັບມູນເຊື້ອການພົວພັນທີ່ດີງາມລະຫວ່າງສອງປະເທດ, ພ້ອມທັງຂົນຂວາຍປະຊາຊົນຜັນຂະຫຍາຍບັນດາຂໍ້ຕົກລົງຮ່ວມມືລະຫວ່າງສອງປະເທດ ຢ່າງຕັ້ງໜ້າ.

        ທ່ານເລຂາທິການໃຫຍ່ ຫງວຽນຟູຈ້ອງ ເນັ້ນໜັກບົດບາດສຳຄັນຂອງການເຄື່ອນໄຫວການທູດປະຊາຊົນ ໃນການເພີ່ມພູນຄູນສ້າງ, ການພັດທະນາສາຍພົວພັນສາມັກຄີ, ມິດຕະພາບ ແລະ ການຮ່ວມມື ຫວຽດນາມ-ກຳປູເຈຍ; ປາຖະໜາວ່າ ສອງສະມາຄົມມິດຕະພາບ ຂອງສອງປະເທດເພີ່ມທະວີການສົມທົບກັນຈັດຕັ້ງການເຄື່ອນໄຫວແທດຈິງຫຼາຍຢ່າງ, ມີປະສິດທິຜົນກວ່າອີກ, ເພື່ອຄວາມວັດທະນະຖາວອນຂອງແຕ່ລະປະເທດ ແລະ ຄວາມໝັ້ນຄົງຂອງການພົວພັນ ຫວຽດນາມ-ກຳປູເຈຍ.

ແລະກໍ່ໃນຕອນບ່າຍວັນທີ ວັນທີ 21 ກໍລະກົດ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ໄປຢ້ຽມຢາມ, ໂອ້ລົມກັບພະນັກງານ, ພາລະກອນສະຖານທູດຫວຽດນາມ ແລະ ຜູ້ຕາງໜ້າຊາວຫວຽດນາມ ອາໄສຢູ່ກຳປູເຈຍ. ກ່າວຄຳເຫັນທີ່ການໂອ້ລົມ, ທ່ານເລຂາທິການໃຫຍ່ ຫງວຽນຟຸຈ້ອງ ໃຫ້ຮູ້ວ່າ, ການຢ້ຽມຢາມທາງລັດຖະກິດເຖິງລາຊະອານາຈັກກຳປູເຈຍ ຂອງທ່ານເລຂາທິການໃຫຍ່ ແລະ ຄະນະຜູ້ແທນຂັ້ນສູງຫວຽດນາມ ໄດ້ຮັບການຕ້ອນຮັບຢ່າງສົມກຽດ ແລະ ຈິງໃຈ ຈາກຝ່າຍເພື່ອນ ກຳປູເຈຍ. 2 ຝ່າຍໄດ້ລົງເລິກແລກປ່ຽນຫຼາຍເນື້ອໃນຢ່າງແທ້ຈິງ. ທ່ານເລຂາທິການໃຫຍ່ ຫງວຽນຟຸຈ້ອງ ຢືນຢັນວ່າ, ເຖິງວ່າການຢ້ຽມຢາມຍັງບໍ່ທັນສິ້ນສຸດລົງ, ແຕ່ຮອດຈຸດເວລານີ້, ການຢ້ຽມຢາມບັນລຸໄດ້ຜົນງານຢ່າງດີງາມ.

        ແລະກໍ່ໃນຕອນບ່າຍວັນດຽວກັນ, ທ່ານເລຂາທິການໃຫຍ່ ຫງວຽນຟຸຈ້ອງ ໄດ້ເດີນທາງອອກຈາກ ພະນົມເປັນ ໄປຢ້ຽມຢາມນະຄອນ Sihuanoukville.