ບັນດາຜູ້ແທນເຂົ້າຮ່ວມການພົບປະຖ່າຍຮູບເປັນທີ່ລະນຶກ (ພາບ: baoquocte.vn)

ຕອນຄ່ຳວັນທີ 29 ມັງກອນ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບ ຫວຽດນາມ ໄດ້ຈັດການພົບປະສັງສັນມິດຕະພາບ ລະດູບານໃໝ່ປີມະໂລງ 2024. ກ່າວຄຳເຫັນນະທີ່ນີ້, ທ່ານ ຟານແອັງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ, ໃຫ້ຮູ້ວ່າ: ສະຫະພັນບັນດາອົງການມິດຕະພາບ ຫວຽດນາມ ຈະສືບຕໍ່ຊຸກຍູ້, ປັບປຸງລະບົບການຈັດຕັ້ງຈາກສູນກາງ ລົງຮອດທ້ອງຖິ່ນ; ປ່ຽນແປງໃໝ່ວິທີການສຳຜັດ, ວິທີການຈັດຕັ້ງ ແລະ ເນື້ອໃນບັນດາການເຄື່ອນໄຫວການທູດປະຊາຊົນ; ຮັກສາ, ປັບປຸງ ແລະ ເປີດກວ້າງເຄືອຂ່າຍຄູ່ຮ່ວມມື; ຍົກສູງປະສິດທິຜົນການຮ່ວມມື, ໜູນຊ່ວຍການເຄື່ອນໄຫວຂອງບັນດາອົງການບໍ່ຂຶ້ນກັບລັດຖະບານຕ່າງປະເທດ; ຍູ້ແຮງ, ເປີດກ້ວາງການໝູນໃຊ້ເຕັກໂນໂລຊີທັນສະໄໝ, ມີທ່າອ່ຽງສື່ສານໃໝ່ ເພື່ອແນໃສ່ຍົກສູງປະສິດທິຜົນດ້ານຖະແຫຼງຂ່າວ, ໂຄສະນາຕໍ່ຕ່າງປະເທດ… ທ່ານ ຟານແອັງເຊີນ ເຊື່ອໝັ້ນວ່າ:  ສະຫະພັນບັນດາອົງການມິດຕະພາບ ຫວຽດນາມ ຈະປະຕິບັດສຳເລັດທຸກແຜນການ, ໜ້າທີ່ທີ່ໄດ້ວາງອອກໃນປີນີ້, ປະກອບສ່ວນເພີ່ມພູນຄູນສ້າງນ້ຳໃຈມິດຕະພາບ, ການພົວພັນຮ່ວມມືລະຫວ່າງ ຫວຽດນາມ ກັບປະຊາຊົນປະເທດຕ່າງໆ.